کتاب "منبع عدل"، مصنف ابراہیم امینی نجف‌آبادی کی اہم تصنیفات میں سے ایک ہے۔ اس کتاب میں وسیع طور پر مہدویت امام مہدی (عج)، امام عصر کی طول عمر اور عدالت امام مہدی جیسی تعبیرات پر تفصیلی بحث پیش کی گئی ہے۔ کتاب میں ابراہیم امینی نجف‌آبادی نے مہدویت کے مفہوم کو تشریعات و روایات اسلامی کے روشنی میں بیان کیا ہے۔ وہ بیان کرتے ہیں کہ امام مہدی (عج) موجود ہیں اور ان کی ظہور کے باعث عدالت اور انصاف کا مظہر بنیادی طور پر پیدا ہوگا۔ انہوں نے امام عصر کی عمر و علامات ظہور، وظائف، اور عدل کے بارے میں تفصیلی تبصرہ کیا ہے۔ اس کتاب کی ترجمہ کاری سید افسر عباس زیدی نے کی ہے، جنہوں نے کتاب کو اردو زبان میں منتقل کیا ہے تاکہ اردو زبان کے قارئین کو امام مہدی کی مہدویت، امام عصر کی شناخت اور عدالت کے تصور کو سمجھنے میں مدد مل سکے۔ کتاب "منبع عدل" کا دوسرا ایڈیشن امامیہ پبلیکیشنز لاہور نے 1997ء میں شائع کیا گیا ہے۔ یہ کتاب امامیہ انتشارات کی جانب سے معرفتی اور تعلیمی منظر سے اہم تصنیفات کا حصہ ہے۔

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

Rate

View

Votes

منبع عدل

تُحَفُ العُقول فیما جاءَ مِنَ الحِکَمِ ‌وَ الْمَواعظ مِنْ آل‌ِ الرّسول ایک حدیثی کتاب ہے جو چوتھی صدی کے شیعہ محدث، ابن شُعبہ حَرّانی نے لکھی ہے۔ اس کتاب میں مصنف کا مقصد اخلاقی موضوعات پر انبیاء الہی اور اہل بیت(ع) کی بعض احادیث کو جمع کرنا تھا۔
مصنف نے پیغمبر اکرم(ص) اور ائمہ معصومین میں سے ہر ایک کے ساتھ ایک باب مختص کرتے ہوئے اس باب میں اسی ہستی سے منقول احادیث نقل کی ہیں۔ اسی سلسلے میں گذشتہ انبیاء کے فرامین کو بھی کتاب کے آخری باب میں ذکر کیا ہے۔
کتاب کے ہر فصل کے ابتدائی حصے میں طولانی احادیث جبکہ آخری حصے میں مختصر احادیث نقل کی ہیں۔ اختصار کو مد نظر رکھتے ہوئے مصنف نے احادیث کی سند کے ذکر سے پرہیز کیا ہے۔
اس کتاب اردو ترجمہ آپ کے پیش نظر ہے۔
ابن‌ شعبہ حرانی پیغمبر اکرمؐ اور ائمہ معصومینؑ کے علوم جن میں دین و دنیا اور حال و مستقبل کی صلاح پوشیدہ ہے، کی نشر و اشاعت کو اس کتاب کی تألیف کا مقصد قرار دیتے ہوئے کہتے ہیں چونکہ شیعہ علماء نے ائمہ معصومین کے کلام سے حلال و حرام اور فرائض و سنن پر مشتمل بہت ساری کتابیں تحریر کی ہیں لیکن پیغمبر اکرمؐ اور ائمہ معصومینؑ کے کلام سے حکمتوں اور نصائح خاص کر ان کے کلمات قصار پر مشتمل کوئی کتاب تألیف نہیں کی ہیں اسلئے انہوں نے یہ کام شروع کیا ہے۔
یہ کتاب اصول دین اور فروع دین نیز مذہبی آداب و رسوم کے حوالے سے ائمہ معصومینؑ کے فرامین، نصائح اور ان کی حکیمانہ کلام پر مشتمل ہے۔ اس کتاب میں امام زمانہؑ کے علاوہ باقی ائمہ معصومینؑ اور پیغمبر اکرمؑ کے منتخب اقوال موجود ہیں۔ اس کتاب کا اہم حصہ پیغمبر اکرمؐ کے اقوال سے شروع ہو کر بالترتیب امام حسن عسکریؑ کے اقوال پر اختتام کو پہنچتا ہے۔ مصنف نے پیغمبر اکرمؐ اور ائمہ معصومینؑ کے اقوال کو مفصل بیان کیا ہے۔
اس کتاب کے مضامین میں سے کچھ اہم مضامین درج ذیل ہیں:
پیغمبر اکرمؐ کی امام علی ؑ کو وصیتیں
شمعون‌ بن لاوی مسیحی کو پیغمبرؐ کا جواب۔
معاذ بن جبل کی یمن روانگی کے وقت پیغمبر اکرم کی سفارش۔
حجۃ الوداع کے موقع پر پیغمبر اکرمؐ کا کلام۔
توحید میں اخلاص کے موضوع پر امام علیؑ کا خطبہ
امام علیؑ کا امام حسن مجتبیؑ کو نصیحت
خطبۃالوسیلہ
امام علیؑ کا مالک اشتر کے نام خط
امام‌ علیؑ کا کمیل کے ساتھ گفتگو
حسن بصری کو امام حسنؑ کا جواب
معاویہ سے صلح کے بعد امام حسنؑ کا خطبہ
امر بالمعروف و نہی عن المنکر کے موضوع پر امام حسینؑ کا کلام
اہل کوفہ کے نام امام حسینؑ کا خط
رسالہ حقوق امام زین العابدینؑ
جابر بن یزید جعفی کو امام باقرؑ کی سفارش
مؤمن طاق کو امام صادقؑ کی سفارش
امام صادق ؑ کا کلام جسے بعض شیعوں نے نثر الدرر کا نام دیا ہے
ہشام بن حکم کو امام کاظمؑ کی سفارش
احکام شریعت کے بارے میں مأمون کو امام رضاؑ کا جواب
مسجد جامع مرو میں امامت کی تعریف اور اس کی منزلت سے متعلق امام رضاؑ کا بیان
یحیی‌ بن اکثم کو امام جوادؑ کا جواب
اہل جبر اور تفویض کے رد میں امام ہادیؑ کا رسالہ
یحیی بن اکثم کو امام ہادی کا جواب
اسحاق بن اسماعیل نیشابوری کے نام امام حسن عسکریؑ کا خط
مصنف نے ہر حصے کے اختتام پر متعلقہ معصوم کے کلمات قصار کو بھی تحریر کیا ہے
کتاب کے اختتامی حصے میں:
خدا اور حضرت موسی کی گفتگو
خدا اور حضرت عیسی کی گفتگو
انجیل میں حضرت عیسی کی نصیحتیں
شیعوں کو مفضّل‌بن عمر کی سفارش
یہ کتاب آخری صدیوں میں ہمیشہ شیعہ علماء کی توجہ کا مرکز رہی ہے یہاں تک کہ قطیفی نے اسے بے نظیر کتاب قرار دیا ہے۔[2] حدیثی اور فقہی کتابوں میں اس کتاب سے استفادہ کیا گیا ہے۔
ان تمام باتوں کے باوجود شیعہ علماء نے اس کتاب کے مندرجات کے معتبر نہ کی بناء پر مختلف اعتراضات اور اشکالات بھی کئے ہیں۔ ان اشکالات میں سے ایک یہ ہے کہ اس میں موجود احادیث حدیث مرسل ہیں۔ البتہ اس موضوع کی طرف خود ابن‌ شعبہ بھی متوجہ تھے اسی بناء پر اہوں نے کتاب کے مقدمے میں اکثر احادیث کے سلسلہ سند کے مرسل ہونے کا اعتراف کیا ہے لیکن کتاب کے اندر اختصار کو مد نظر رکھتے ہوئے نیز یہ کہ اس کتاب کے اکثر مطالب حقیقت میں ائمہ کی جانب سے اپنے پیروکاروں کو دی جانے والی تعلیمات اور نصائح پر مشتمل ہے جو اپنی درستی پر خود گواہ ہیں اور چونکہ انہوں نے اسے خود شیعوں کیلئے ہی مرتب کیا ہے تاکہ وہ اپنے ائمہ کی باتوں پر عمل پیرا ہوں، احادیث کے اسناد کو ذکر کرنے سے پرہیز کیا ہے۔
آیت اللہ خوئی ابن شعبہ حرانی کے علم اور تقوا و پرہیزگاری کا اعتراف کرنے کے ساتھ ساتھ ان کی کتاب کو اس میں موجود احادیث کے مُرسل ہونے کی وجہ سے معتبر نہیں سمجھتے اور کسی بھی شرعی حکم میں اس کتاب کی احادیث سے استناد کو جائز نہیں سجھتے ہیں۔
کہا جاتا ہے کہ تحف ‌العقول نُصَیریہ کے یہاں خاص احترام کی حامل ہے اور اس فرقے کے اکثر پیروکاروں کو یہ کتاب زبانی یاد ہے۔
یہ کتاب حدیث کے اردو ذخیرے میں ایک قابل فخر اضافہ ہے مؤمنین کرام سے التماس ہے کہ اس کتاب کا خود بھی مطالعہ کریں اور اپنی اولاد کو اس کتاب کے مطالعہ کی ترغیب دے کر اپنے نفوس کو اخلاق فاضلہ سے سنوار کر دنیا و آخرت کی سعادت حاصل کریں۔

تُحَفُ العُقول، ج ۱ (مع اضافہ جلد ششم)

تُحَفُ العُقول فیما جاءَ مِنَ الحِکَمِ ‌وَ الْمَواعظ مِنْ آل‌ِ الرّسول ایک حدیثی کتاب ہے جو چوتھی صدی کے شیعہ محدث، ابن شُعبہ حَرّانی نے لکھی ہے۔ اس کتاب میں مصنف کا مقصد اخلاقی موضوعات پر انبیاء الہی اور اہل بیت(ع) کی بعض احادیث کو جمع کرنا تھا۔
مصنف نے پیغمبر اکرم(ص) اور ائمہ معصومین میں سے ہر ایک کے ساتھ ایک باب مختص کرتے ہوئے اس باب میں اسی ہستی سے منقول احادیث نقل کی ہیں۔ اسی سلسلے میں گذشتہ انبیاء کے فرامین کو بھی کتاب کے آخری باب میں ذکر کیا ہے۔
کتاب کے ہر فصل کے ابتدائی حصے میں طولانی احادیث جبکہ آخری حصے میں مختصر احادیث نقل کی ہیں۔ اختصار کو مد نظر رکھتے ہوئے مصنف نے احادیث کی سند کے ذکر سے پرہیز کیا ہے۔
اس کتاب اردو ترجمہ آپ کے پیش نظر ہے۔
ابن‌ شعبہ حرانی پیغمبر اکرمؐ اور ائمہ معصومینؑ کے علوم جن میں دین و دنیا اور حال و مستقبل کی صلاح پوشیدہ ہے، کی نشر و اشاعت کو اس کتاب کی تألیف کا مقصد قرار دیتے ہوئے کہتے ہیں چونکہ شیعہ علماء نے ائمہ معصومین کے کلام سے حلال و حرام اور فرائض و سنن پر مشتمل بہت ساری کتابیں تحریر کی ہیں لیکن پیغمبر اکرمؐ اور ائمہ معصومینؑ کے کلام سے حکمتوں اور نصائح خاص کر ان کے کلمات قصار پر مشتمل کوئی کتاب تألیف نہیں کی ہیں اسلئے انہوں نے یہ کام شروع کیا ہے۔
یہ کتاب اصول دین اور فروع دین نیز مذہبی آداب و رسوم کے حوالے سے ائمہ معصومینؑ کے فرامین، نصائح اور ان کی حکیمانہ کلام پر مشتمل ہے۔ اس کتاب میں امام زمانہؑ کے علاوہ باقی ائمہ معصومینؑ اور پیغمبر اکرمؑ کے منتخب اقوال موجود ہیں۔ اس کتاب کا اہم حصہ پیغمبر اکرمؐ کے اقوال سے شروع ہو کر بالترتیب امام حسن عسکریؑ کے اقوال پر اختتام کو پہنچتا ہے۔ مصنف نے پیغمبر اکرمؐ اور ائمہ معصومینؑ کے اقوال کو مفصل بیان کیا ہے۔
اس کتاب کے مضامین میں سے کچھ اہم مضامین درج ذیل ہیں:
پیغمبر اکرمؐ کی امام علی ؑ کو وصیتیں
شمعون‌ بن لاوی مسیحی کو پیغمبرؐ کا جواب۔
معاذ بن جبل کی یمن روانگی کے وقت پیغمبر اکرم کی سفارش۔
حجۃ الوداع کے موقع پر پیغمبر اکرمؐ کا کلام۔
توحید میں اخلاص کے موضوع پر امام علیؑ کا خطبہ
امام علیؑ کا امام حسن مجتبیؑ کو نصیحت
خطبۃالوسیلہ
امام علیؑ کا مالک اشتر کے نام خط
امام‌ علیؑ کا کمیل کے ساتھ گفتگو
حسن بصری کو امام حسنؑ کا جواب
معاویہ سے صلح کے بعد امام حسنؑ کا خطبہ
امر بالمعروف و نہی عن المنکر کے موضوع پر امام حسینؑ کا کلام
اہل کوفہ کے نام امام حسینؑ کا خط
رسالہ حقوق امام زین العابدینؑ
جابر بن یزید جعفی کو امام باقرؑ کی سفارش
مؤمن طاق کو امام صادقؑ کی سفارش
امام صادق ؑ کا کلام جسے بعض شیعوں نے نثر الدرر کا نام دیا ہے
ہشام بن حکم کو امام کاظمؑ کی سفارش
احکام شریعت کے بارے میں مأمون کو امام رضاؑ کا جواب
مسجد جامع مرو میں امامت کی تعریف اور اس کی منزلت سے متعلق امام رضاؑ کا بیان
یحیی‌ بن اکثم کو امام جوادؑ کا جواب
اہل جبر اور تفویض کے رد میں امام ہادیؑ کا رسالہ
یحیی بن اکثم کو امام ہادی کا جواب
اسحاق بن اسماعیل نیشابوری کے نام امام حسن عسکریؑ کا خط
مصنف نے ہر حصے کے اختتام پر متعلقہ معصوم کے کلمات قصار کو بھی تحریر کیا ہے
کتاب کے اختتامی حصے میں:
خدا اور حضرت موسی کی گفتگو
خدا اور حضرت عیسی کی گفتگو
انجیل میں حضرت عیسی کی نصیحتیں
شیعوں کو مفضّل‌بن عمر کی سفارش
یہ کتاب آخری صدیوں میں ہمیشہ شیعہ علماء کی توجہ کا مرکز رہی ہے یہاں تک کہ قطیفی نے اسے بے نظیر کتاب قرار دیا ہے۔[2] حدیثی اور فقہی کتابوں میں اس کتاب سے استفادہ کیا گیا ہے۔
ان تمام باتوں کے باوجود شیعہ علماء نے اس کتاب کے مندرجات کے معتبر نہ کی بناء پر مختلف اعتراضات اور اشکالات بھی کئے ہیں۔ ان اشکالات میں سے ایک یہ ہے کہ اس میں موجود احادیث حدیث مرسل ہیں۔ البتہ اس موضوع کی طرف خود ابن‌ شعبہ بھی متوجہ تھے اسی بناء پر اہوں نے کتاب کے مقدمے میں اکثر احادیث کے سلسلہ سند کے مرسل ہونے کا اعتراف کیا ہے لیکن کتاب کے اندر اختصار کو مد نظر رکھتے ہوئے نیز یہ کہ اس کتاب کے اکثر مطالب حقیقت میں ائمہ کی جانب سے اپنے پیروکاروں کو دی جانے والی تعلیمات اور نصائح پر مشتمل ہے جو اپنی درستی پر خود گواہ ہیں اور چونکہ انہوں نے اسے خود شیعوں کیلئے ہی مرتب کیا ہے تاکہ وہ اپنے ائمہ کی باتوں پر عمل پیرا ہوں، احادیث کے اسناد کو ذکر کرنے سے پرہیز کیا ہے۔
آیت اللہ خوئی ابن شعبہ حرانی کے علم اور تقوا و پرہیزگاری کا اعتراف کرنے کے ساتھ ساتھ ان کی کتاب کو اس میں موجود احادیث کے مُرسل ہونے کی وجہ سے معتبر نہیں سمجھتے اور کسی بھی شرعی حکم میں اس کتاب کی احادیث سے استناد کو جائز نہیں سجھتے ہیں۔
کہا جاتا ہے کہ تحف ‌العقول نُصَیریہ کے یہاں خاص احترام کی حامل ہے اور اس فرقے کے اکثر پیروکاروں کو یہ کتاب زبانی یاد ہے۔
یہ کتاب حدیث کے اردو ذخیرے میں ایک قابل فخر اضافہ ہے مؤمنین کرام سے التماس ہے کہ اس کتاب کا خود بھی مطالعہ کریں اور اپنی اولاد کو اس کتاب کے مطالعہ کی ترغیب دے کر اپنے نفوس کو اخلاق فاضلہ سے سنوار کر دنیا و آخرت کی سعادت حاصل کریں۔

تحف العقول، ج ۲

تحف العقول، ج ۳

ائمہ معصومین علیہم السلام کی ولادت پر ایسی کتاب عربی و فارسی میں بھی نہیں ملتی اس کتاب میں معصومین کی ماؤں کی طہارت کے بارے میں گفتگو ہوئی ہے اور انھیں ہر قسم کی نجاست سے پاک و پاکیزہ قرار دیا گیا ہے اور حیض و نفاس جیسی نجاسات سے پاکیزہ ثابت کیا گیا ہے۔
گوکہ یہ مقالہ نما کتاب ہے مگر کسی کتاب سے کم بھی نہیں اسے اپنے مطالعہ کا حصہ ضرور بالضرور قرار دیں۔
کاش معاصر محققین میں سے کوئی فاضل مؤلف کی اس کاوش  کو مزید بہتر طریقے سے اور تفصیل کے ساتھ پیش کرنے کی کوشش کرتا۔

Translated Fields

امہات ائمہ علیہم السلام

بدنام  زمانہ ناصبی مرزا حیرت دہلوی کا جانشنین محمود عباسی اپنی ہرزہ سرائیوں اور دشمنئ اہل بیت علیہم السلام کے لیے مشہور ہے اور اس نے بنی امیہ اور بنی عباس کے خوب خوب جھوٹے گیت گائے ہیں اس نے ایک کتاب لکھی ہے جس کا نام ہے "خلافت معاویہ و یزید" جس میں اس نے ان کی ناجائز حکمرانیوں کے بھجن گائے ہیں اسی منحوس کتاب کا مدلل اور بالتفصیل جواب ہے یہ کتاب جسے "سید محمد باقر نقوی" نے بڑی ہی عرق ریزی کے ساتھ مدلل طریقے سے پیش کیا ہے۔
اموی خلافت کا آغاز معاویہ کی حکومت کے آغاز سے 41 ہجری میں ہوا اور 132 ہجری میں مروان ابن محمد کی شکست کے ساتھ ختم ہوا ۔ ان سالوں میں 14 خلفاء نے اسلامی ممالک پر حکومت کی۔ معاویہ بن یزید کے بعد اموی خلافت سفیانی شاخ سے مروانی شاخ میں منتقل ہوئی۔ امویوں نے مشرقی اور رومی سرحدوں میں لڑ کر اسلامی حکومت کا دائرہ وسیع کیا۔ خوارج اور شیعوں کو دبانا بنو امیہ کی مسلسل پالیسیوں میں سے ایک تھا۔ امویوں نے کئی بار اسلامی مقدس مقامات کی حرمت کو پامال کیا۔
واقعہ عاشورہ ، واقعہ حرہ ، بغاوت زبیری، بغاوت مختار ، زید بن علی کی بغاوت ، جنگ مرج راحت اور بنی عباس کی بغاوت اموی خلافت کے اہم واقعات ہیں۔
عمرو عاص ، مغیرہ بن شعبہ ثقفی ، زیاد بن ابیہ ، عبید اللہ بن زیاد ، مسلم بن عقبہ اور حجاج بن یوسف ثقفی مشہور اموی وزیروں، ایجنٹوں اور کمانڈروں میں سے ہیں۔
بنی ہاشم کے ساتھ اموی نے اپنی دیرینہ دشمنی کو اقتدار میں آنے کے بعد مزید شدت کے ساتھ جاری رکھا ۔
اسے اپنے مطالعہ کا حصہ ضرور قرار دیں۔

اموی دورِ خلافت، ج ۱

علامہ طباطبائی علیہ الرحمہ جیسی عالم و عارف اور شہرۂ آفاق شخصیت سے کون واقف نہیں؛ عالم اسلام کی بہت ہی کم شخصیات ایسی ہیں جو ایک ہی وقت میں مختلف علوم میں یدطولیٰ رکھتی تھیں، علامہ کی ذات موجودہ صدی میں ان افراد میں سرفہرست ہے۔ آپ کی تفسیر "المیزان" کا چرچا دانگ عالم میں ہے اور شاید ہی کوئی ایسا شخص ہوگا جسے قرآن مجید کی مختلف تفاسیر سے شغف تو ہو لیکن وہ آپ سے اور آپ کے قلمِ بے بدل سے نکلی تفسیر سے واقف نہ ہو البتہ علامہ کے قلم سے اس تفسیر کے علاوہ بھی بہت سے رَسائل اور مقالات نکلے ہیں جن میں عمیق فلسفی، کلامی، عرفانی اور دینی ابحاث پیش کی گئی ہیں۔ یہ رسائل اپنے اختصار کے باوجود بھی نہایت جامع اور طالبان علم کے لیے بے حد مفید ہیں۔ یہ تمام رسائل و مقالے فارسی یا عربی زبان میں ہیں۔
پیش نظر کتاب انھی چند رسائل کا اردو ترجمہ ہے جس میں علامہ کے چار مقالات "علم الامام، وحی، اعجاز و معجزہ، علیؑ و فلسفۂ الٰہی" شامل ہیں۔ مترجم جناب سید سبطین علی نقوی امروہوی نے اس کا ترجمہ بڑی ہی عرق ریزی کے ساتھ انجام دیا ہے پروردگار موصوف کی توفیقات میں اضافہ فرمائے اور مزید ایسی کتابوں کو منصۂ شہود پر لانے کی توفیق عطا فرمائے۔

مجموعۃ رسائل علامہ طباطبائی(ره)

ایک سنجیدہ اور متوازن خاندانی نظام خوشگوار زندگی کی بنیاد بلکہ ترقی پذیر معاشرہ کی اساس ہے۔ مذہب انسان کو بارگاه الٰہی سے قریب تر کرنے کے لئے آتا ہے۔اور یہ مقصد ہرگز حاصل نہیں ہوسکتا جب تک ایک ایسا ماحول پیدا نہ ہو جائے جو دینی مطالبات سے ہم آہنگ ہو۔ حقیقت یہ ہے کہ کوئی دین اس وقت تک مکمل نہیں کہا جا سکتا جب تک اس کے تعلیمات واضح طریقے سے یہ نہ بتائیں کہ خاندان میں ہر ہر فرد کی کیا ذمہ داری ہے، کیا درجہ ہے۔  خاندان انسانی معاشرہ کی ایک ایسی اکائی ہے جس کے افراد ایک دوسرے سے انتہائی قریبی رابطہ رکھتے ہیں اور اس قربت ہی سے کشاکش اور اختلافات پیدا ہوتے ہیں جب تک اپنے اپنے فرائض و حقوق کی غیر مبہم تصویر ہر ایک کے پیش نظر نہ ہو کشمکش کا پیدا ہونا یقینی ہے۔
اگر کوئی دین نظام خانوادگی کی پیچیدگیوں سے اپنی آنکھیں بند کرلیتا ہے تو جَلد یا بدیر اس کے ماننے والے اس دین سے بغاوت کر بیٹھتے ہیں اور سرکشی کا سیلاب مذہبی اقدار کو خس وخاشاک کی طرح بہا لے جاتاہے۔ اس کا سبب ظاہر ہے۔ جو ماحول ان کو نصیب ہوتاہے، جس سماجی نظام میں وہ زندگی بسرکرتے ہیں وہ اس دین کے تقاضوں سے ہم آہنگ نہیں ہوتا اور گردو پیش کے غیر شعوری اثرات سے متاثر ہوتے ہوتے وہ مذہب سے دور ہوتے چلے جاتے ہیں۔ آخر کار ایک وقت ایسا آتا ہے جب دین و مذہب چند رسوم کا مجموعہ بن کر رہ جاتا ہے جس کا عملی زندگی پر کوئی اثر نہیں رہتا۔
ایک غیر جانبدار مبصّر اس توازن کو دیکھ کر حیران رہ جائے گا جو اسلامی تعلیمات نے بنیادی تقاضوں اور روحانی ضروریات کے درمیان پیدا کیا ہے۔ اسلام نے اس حیات دنیوی کے لیے بھی ہدایات دی ہیں اور اخروی و ابدی زندگی کے لیے بھی لائحۂ عمل مرتب کرکے دیا ہے۔آپ اس کتاب میں دین اسلام کے انھیں امتیازی نقوش سے روبرو ہونگے جسے اسلام نے خاندانی اصول معاشرت کے طور پر پیش کیا ہے اور جسے فاضل مصنف نے بڑے ہی خوبصورت طریقے سے قاری کے سامنے رکھا ہے۔

اسلام کا نظام خانوادگی

پیش نظر کتاب، کتب اربعہ میں سے اہم کتاب "من لا یحضرہ الفقیہ" کی اسانید کی تحقیق۔"من لا یحضرہ الفقیہ" شیخ صدوق علیہ الرحمه کی اہم کتب بلکہ شیعہ حدیثی منابع کی سب سے اہم کتاب شمار کی جاتی ہے۔ ہمارے یہاں عوام الناس کو بنیادی کتب سے آشنائی نہیں ہے اور خصوصاً شیعہ علم حدیث کے میدان میں اردو زبان میں تالیفات و تصنیفات کا فقدان ہے۔ حال ہی میں کچھ پیش رفت ہوئی ہے جو کہ ایک خوش آیند خبر ہے۔ اس بنا پر اس کتاب کو دیکھ کر کافی خوشی محسوس ہوئی کہ اپنے موضوع کے اعتبار سے یہ ایک بہت عمدہ اقدام ہے۔المشیخہ الفقیہ شیخ صدوق علیہ الرحمه کی کتاب "من لا یحضرہ الفقیہ" کی جلد چہارم کا حصہ ہے جس میں انھوں نے ان کتب تک اپنی اسانید دی ہیں جن سے انھوں نے اس کتاب میں احادیث لی ہیں۔
المشیخہ کا فائدہ یہ ہے کہ اس سے شیخ صدوق علیہ الرحمه کی کتاب "من لا یحضرہ الفقیہ" میں موجود احادیث کی اسنادی چھان بین کرنا ممکن ہے۔اس کتاب میں مشیخہ الفقیہ کی اسناد کا جائزہ لیا گیا ہے ان کی صحت و سقم کا حکم لگایا گیا ہے اور اس کی علت بھی بیان کی ہے۔یہ حاشیئے ان محققین کے لیے مفید ہیں جو رجال سے یا حدیث کی پَرَکھ میں دلچسپی رکھتے ہیں۔

المشیخۃ من مَن لا یحضرہ الفقیہ

اس وقت جو کتاب آپ کے سامنے ہے وہ علوم اسلامی پر عالیجناب علامہ محقق سید حسین مرتضیٰ بن مرحوم آیۃ اللہ علامہ سید مرتضیٰ حسین صدر الافاضل کے بعض دروس کا مجموعہ ہے۔ ان دروس کو انھوں نے برسوں لیکچرز کی صورت میں پڑھایا ہے۔ اب یہ مجموعہ (ان کی عزیز اور ہونہار شاگردوں آنسہ زینب امیر علی و بیگم افشین فاطمہ آغا کی کوششوں کے نتیجہ میں) کتابی صورت میں آپ کے سامنے ہے۔
اس کتاب میں انھوں نے اسلامی علوم و معارف کے کلیات و اصول کو بہت واضح اور عام فہم انداز میں بیان کیا ہے۔
یہ مجموعہ دینی دروس کا ایسا قیمتی اور اہم مجموعہ ہے جو اللہ تعالیٰ کی مدد کے ذریعہ عہدِ حاضر اور مستقبلِ بعید میں آنے والی نسلوں میں شریعت و فضیلت کی روح بیدار کرتا رہے گا۔
اس کتاب میں علامہ موصوف نے تخلیقِ انسانی نیز انسانی معاشرے کے حسّاس اور بنیادی مسائل پر انتہائی عمیق گفتگو کی ہے۔
ان دروس کا ایک اور اہم امتیاز یہ ہے کہ علامہ موصوف نے اِن مسائل کو بالکل اسی انداز میں پختہ کرکے اور متکامل بناکر ایسی شفّاف اور درست شکل میں پیش کیا ہے جس انداز سے اسلام نے انھیں اپنے آغاز میں پیش کیا تھا اور چاہا تھا کہ وہ ہمیشہ اسی انداز میں پیش اور قبول کیے جاتے رہیں۔
عالی مرتبت اور جلیل القدر مفکر نے پہلے دینی زندگی کے اصل اور واقعی علمی و عرفانی پہلوؤں کے بارے میں حقیقت تک رسائی حاصل کرکے زمانہ کی ضرورتوں کا احساس کرتے ہوئے ان کے تمام پہلوؤں کا احاطہ کیا ہے پھر اسے زندگی کی حقیقتوں سے تطبیق دے کر اپنی مختصر بیانی اور بلاغت کلامی کے ساتھ ایسے دل نشین انداز اور فنّی طریقہ سے پیش کیا ہے جسے پختہ عقل والے قبول کیے بغیر نہیں رہ سکتے۔

عقل و علم

تاریخ فقہ جعفری علامہ ہاشم معروف کی عربی کتاب تاریـخ الفقہ الـجعفری کا اردو ترجمہ ہے۔ یہ فقہ جعفری کی تاریخ پرلکھے جانے والی پہلی کتاب ہے۔

فقہ کی تاریخ کے مفید ہونے میں کوئی کلام نہیں کیونکہ اس کے ذریعے سے فقہاء کی کوششوں سے آگاہی حاصل ہوتی ہے اور یہ معلوم ہوتا ہے کہ اس علم نے کیسے ترقی کی اور کس طرح آہستہ آہستہ درجۂ کمال تک پہنچا۔فقہ اسلامی کی تاریخ ایک جدید علم ہے۔ اس کی تاریخ زیادہ طویل نہیں۔ اہل مغرب نے مذاہب اور علوم کی تاریخ مرتب کرنے کے کام کا آغاز کیا ۔مغربی مفکرین کو اعتراف ہے کہ شیعہ علماء نے فقہ کو نئی زندگی بخشی ہے اور اس کو ترقی دے کر جمود سے نجات دلائی ہے۔مشہور جرمن مستشرق گول ڈزیہر (Ignaz Goldizher 1850-1921) اپنی کتاب ’’عقیدہ اور شریعت‘‘ میں کہتا ہے:

’’اسلام کے علمی اور روحانی مباحث کو بارآور بنانے میں شیعوں کی برتری مسلّم تھی اور اب بھی مسلّم ہے۔ اسی طرح کی تیز کارروائی مذاہب کو جمود سے اور خشک سانچوں میں ڈھلنے سے محفوظ رکھتی ہے۔‘‘

اسی نکتے کو علامہ سید ہاشم معروف نے ناقابل تردید دلائل سے ثابت کیا ہے۔ انہوں نے بڑی تفصیل سے فقہ کی سرگزشت بیان کی ہے اور امام علی علیہ السلام کے زمانے سے لے کر امام جعفر صادق علیہ السلام کے زمانے تک فقہی احکام کے شیعہ راویوں کا ان کے زمانے کی ترتیب کے لحاظ سے ذکر کیا ہے۔ انہوں نے احکام الٰہی کے استخراج اور استنباط کے طریقے اور ان کے ماخذوں کے بارے میں بھی مدلل اور مفصل بحث کی ہے۔

اس میں کوئی تعجب کی بات نہیں کہ مصنف نے اس اہم کام کو نہایت عمدگی سے پایۂ تکمیل تک پہنچایا ہے کیونکہ ایک طرف انہیں فقہی مسائل اور ان کے ماخذ سے وسیع واقفیت ہے اور دوسری طرف وہ تمام احادیث اور اقوال کو دیانت داری سے بیان کرتے ہیں۔ وہ فقہ اور اصول فقہ پر پوری طرح حاوی ہیں اور اپنی تیز اور گہری نظر سے مسائل کا تجزیہ کرتے ہیں۔

یہ کتاب پوری تحقیق و تدقیق سے لکھی گئی ہے۔ہمیں یقین ہے کہ یہ کتاب اہل فکر و دانش کے لئے اچھا مواد مہیا کرے گی ۔

تاریخ فقہ جعفری

علم نحو پر ایک جامع کتاب ہے جسے ادبیات عربی سے شغف رکھنے والے طلاب کے لیے تدریسی بنیادوں پر رشتۂ تحریر میں لایا گیا ہے۔

النحو الجامع

پیش نظر کتاب میں امیرالمؤمنینؑ کے فضائل و مناقب کو ذکر کیا گیا ہے، کتاب کے مؤلف  علی رضا صابری یزدی ہیں جسکا ترجمہ آپ کے پیش نظر ہے۔جیسا کہ کتاب کے نام سے ہی واضح ہے کہ کتاب کا موضوع اور عنوان مناقبِ و فضائل امیرالمؤمنینؑ ہے اس خصوصیت کے ساتھ کہ اس ضمن میں ایک ہزار احادیث کے ضمن میں فضائل و مناقب امیرالمؤمنینؑ بیان ہوئے ہیں۔
قابل ذکر ہے کہ پیش نظر کتاب میں موجود یہ ہزار احادیث پانچ حصوں اور اٹھارہ فصول اور 201 عناوین پر مشتمل ہونے کے ساتھ شیعہ اور اہل سنت کی کتب سے لیے گئے 206 مآخذ و منابع سے مرتب ہوئی ہے۔

مولا علیؑ کی شان میں ایک ہزار احادیث

پیش نظر کتابچہ زیارت اربعین پر مشتمل ہے اس خصوصیت کے ساتھ کہ زیارت کے عربی جملوں کی بہترین انداز سے چینش کی گئی ہے تاکہ پڑھنے والے کو عربی عبارت پڑھنے میں دشواری پیش نہ آئے ساتھ ہی عربی عبارت کا اردو ترجمہ بھی پیش کیا گیا ہے۔
زیارت اربعین، روز اربعین امام حسینؑ کی مخصوص زیارت ہے، امام حسن عسکریؑ کی ایک حدیث میں زیارت اربعین کو مؤمن کی پانچ نشانیوں میں سے ایک قرار دیا گیا ہے اسی لئے شیعہ اس پر خاص توجہ دیتے ہیں۔
اربعین حسینی 20 صفر کو منایا جاتا ہے۔ شیخ طوسی کتاب تہذیب الاحکام اور مصباح المتہجد میں امام حسن عسکری علیہ السلام سے روایت کرتے ہیں کہ آپ(ع) نے فرمایا: مؤمن کی پانچ نشانیاں ہیں: (1) روزانہ 51 رکعت نماز (یعنی 17 رکعت واجب اور 34 رکعت نوافل) بجا لانا؛ (2) زیارت اربعین؛ (3) انگشتری داہنے ہاتھ میں پہننا؛ (4) سجدے میں پیشانی خاک پر رکھنا؛ (5) نماز میں بسم اللہ اونچی آواز سے پڑھنا۔
اس زیارت کے پہلے حصے میں امام حسینؑ پر درود و سلام بھیجنے کے ساتھ آپ کی عظیم شہادت اور مصیبتوں کی طرف اشارہ کیا گیا ہے۔ اس کے بعد اگلے حصے میں بعض شیعہ عقائد جیسے ائمہ معصومینؑ کی ولایت کی گواہی دی جاتی ہے اور اس بات کا اقرار کرتے ہیں کہ نبوت کی میراث امام حسینؑ کے پاس ہے اور آپؑ لوگوں پر خدا کی حجت ہیں۔اس زیارت نامہ میں امام حسینؑ کی شہادت کا فلسفہ بندگان خدا کو جہالت اور گمراہی سے نجات دلانا قرار دیا گیا ہے۔ اس کے بعد امام حسینؑ کے قاتلوں کی خصوصیات بیان کرتے ہوئے ان پر لعن کی گئی ہے۔ اس سے اگلے مرحلے میں امام حسینؑ کی بعض خصوصیات بیان کرتے ہوئے اس بات کی تاکید کی گئی ہے کہ آپ شرک سے پاک ہیں اور آپ نے خدا کی راہ میں جہاد کیا ہے اور آپ کی ذریت زمین پر خدا کی حجت ہیں۔ زائر اس زیارت میں اپنے آپ کو ائمہ معصومینؑ کے احکامات کا تابع اور ان کی حمایت اور مدد نیز ان کے دشمنوں سے بیزاری کا اعلان کرتے ہیں۔
یہ وہ زیارت ہے جو امام حسین (ع)  کے چہلم کے دن یعنی بیس صفر کو پڑھی جاتی ہے،  شیخ(رح) نے تہذیب میں اور مصباح میں امام حسن عسکری (ع)  سے روایت کی ہے کہ آپ نے فرمایا مومن کی پانچ علامات ہیں:
﴿۱﴾ ہر شب و روز میں اکاون رکعت نماز پڑھنا کہ اس سے مراد سترہ رکعت فریضہ اور چونتیس رکعت نافلہ ہے-
﴿۲﴾ زیارت اربعین کا پڑھنا-
﴿۳﴾ دائیں ہاتھ میں انگوٹھی پہننا-
﴿۴﴾ سجدہ کرتے وقت اپنی پیشانی خاک پر رکھنا -
﴿۵﴾ نمازمیں بسم اللہ الرحمن الرحیم بلند آواز سے پڑھنا:
پہلی زیارت بیس صفر کو امام حسین (ع)  کی زیارت کے دو طریقے ہیں پہلا طریقہ وہ ہے جسے شیخ نے تہذیب اور مصباح میں صفوان جمال ﴿ساربان﴾ سے روایت کیا ہے کہ اس نے کہا مجھ کو میرے آقا امام جعفرصادق (ع)  نے زیارت اربعین کے بارے میں ہدایت فرمائی کہ جب سورج بلند ہو جائے تو حضرت کی زیارت کرو اور کہو:
السَّلامُ عَلَی وَلِی اللهِ وَ حَبِیبِهِ السَّلامُ عَلَی خَلِیلِ اللهِ وَ نَجِیبِهِ السَّلامُ عَلَی صَفِی اللهِ وَ ابْنِ صَفِیهِ السَّلامُ عَلَی الْحُسَینِ الْمَظْلُومِ الشَّهِیدِ السَّلامُ عَلَی أَسِیرِ الْكرُبَاتِ وَ قَتِیلِ الْعَبَرَاتِ اللهُمَّ إِنِّی أَشْهَدُ أَنَّهُ وَلِیك وَ ابْنُ وَلِیك وَ صَفِیك وَ ابْنُ صَفِیك الْفَائِزُ بِكرَامَتِك أَكرَمْتَهُ بِالشَّهَادَةِ وَ حَبَوْتَهُ بِالسَّعَادَةِ وَ اجْتَبَیتَهُ بِطِیبِ الْوِلادَةِ وَ جَعَلْتَهُ سَیدا مِنَ السَّادَةِ وَ قَائِدا مِنَ الْقَادَةِ وَ ذَائِدا مِنَ الذَّادَةِ وَ أَعْطَیتَهُ مَوَارِیثَ الْأَنْبِیاءِ وَ جَعَلْتَهُ حُجَّةً عَلَی خَلْقِك مِنَ الْأَوْصِیاءِ فَأَعْذَرَ فِی الدُّعَاءِ وَ مَنَحَ النُّصْحَ وَ بَذَلَ مُهْجَتَهُ فِیك لِیسْتَنْقِذَ عِبَادَك مِنَ الْجَهَالَةِ وَ حَیرَةِ الضَّلالَةِ وَ قَدْ تَوَازَرَ عَلَیهِ مَنْ غَرَّتْهُ الدُّنْیا وَ بَاعَ حَظَّهُ بِالْأَرْذَلِ الْأَدْنَی وَ شَرَی آخِرَتَهُ بِالثَّمَنِ الْأَوْكسِ وَ تَغَطْرَسَ وَ تَرَدَّی فِی هَوَاهُ وَ أَسْخَطَك وَ أَسْخَطَ نَبِیك، وَ أَطَاعَ مِنْ عِبَادِك أَهْلَ الشِّقَاقِ وَ النِّفَاقِ وَ حَمَلَةَ الْأَوْزَارِ الْمُسْتَوْجِبِینَ النَّارَ [لِلنَّارِ] فَجَاهَدَهُمْ فِیك صَابِرا مُحْتَسِبا حَتَّی سُفِك فِی طَاعَتِك دَمُهُ وَ اسْتُبِیحَ حَرِیمُهُ اللهُمَّ فَالْعَنْهُمْ لَعْنا وَبِیلا وَ عَذِّبْهُمْ عَذَابا أَلِیما السَّلامُ عَلَیك یا ابْنَ رَسُولِ اللهِ السَّلامُ عَلَیك یا ابْنَ سَیدِ الْأَوْصِیاءِ أَشْهَدُ أَنَّك أَمِینُ اللهِ وَ ابْنُ أَمِینِهِ عِشْتَ سَعِیدا وَ مَضَیتَ حَمِیدا وَ مُتَّ فَقِیدا مَظْلُوما شَهِیدا وَ أَشْهَدُ أَنَّ اللهَ مُنْجِزٌ مَا وَعَدَك وَ مُهْلِك مَنْ خَذَلَك وَ مُعَذِّبٌ مَنْ قَتَلَك وَ أَشْهَدُ أَنَّك وَفَیتَ بِعَهْدِ اللهِ وَ جَاهَدْتَ فِی سَبِیلِهِ حَتَّی أَتَاك الْیقِینُ فَلَعَنَ اللهُ مَنْ قَتَلَك وَ لَعَنَ اللهُ مَنْ ظَلَمَك وَ لَعَنَ اللهُ أُمَّةً سَمِعَتْ بِذَلِك فَرَضِیتْ بِهِ، اللهُمَّ إِنِّی أُشْهِدُك أَنِّی وَلِی لِمَنْ وَالاهُ وَ عَدُوٌّ لِمَنْ عَادَاهُ بِأَبِی أَنْتَ وَ أُمِّی یا ابْنَ رَسُولِ اللهِ أَشْهَدُ أَنَّك كنْتَ نُورا فِی الْأَصْلابِ الشَّامِخَةِ وَ الْأَرْحَامِ الْمُطَهَّرَةِ [الطَّاهِرَةِ] لَمْ تُنَجِّسْك الْجَاهِلِیةُ بِأَنْجَاسِهَا وَ لَمْ تُلْبِسْك الْمُدْلَهِمَّاتُ مِنْ ثِیابِهَا وَ أَشْهَدُ أَنَّك مِنْ دَعَائِمِ الدِّینِ وَ أَرْكانِ الْمُسْلِمِینَ وَ مَعْقِلِ الْمُؤْمِنِینَ وَ أَشْهَدُ أَنَّك الْإِمَامُ الْبَرُّ التَّقِی الرَّضِی الزَّكی الْهَادِی الْمَهْدِی وَ أَشْهَدُ أَنَّ الْأَئِمَّةَ مِنْ وُلْدِك كلِمَةُ التَّقْوَی وَ أَعْلامُ الْهُدَی وَ الْعُرْوَةُ الْوُثْقَی وَ الْحُجَّةُ عَلَی أَهْلِ الدُّنْیا وَ أَشْهَدُ أَنِّی بِكمْ مُؤْمِنٌ وَ بِإِیابِكمْ مُوقِنٌ بِشَرَائِعِ دِینِی وَ خَوَاتِیمِ عَمَلِی وَ قَلْبِی لِقَلْبِكمْ سِلْمٌ وَ أَمْرِی لِأَمْرِكمْ مُتَّبِعٌ وَ نُصْرَتِی لَكمْ مُعَدَّةٌ حَتَّی یأْذَنَ اللهُ لَكمْ فَمَعَكمْ مَعَكمْ لا مَعَ عَدُوِّكمْ صَلَوَاتُ اللهِ عَلَیكمْ وَ عَلَی أَرْوَاحِكمْ وَ أَجْسَادِكمْ [أَجْسَامِكمْ] وَ شَاهِدِكمْ وَ غَائِبِكمْ وَ ظَاهِرِكمْ وَ بَاطِنِكمْ آمِینَ رَبَّ الْعَالَمِینَ.
اللہ کے ولی اور اسکے حبیب پر سلام
اللہ کے خلیل اور اس کے نجیب بندے پر سلام
اللہ کے خالص بندے اور اس کے خالص بندے کے فرزند پر سلام
شہید و مظلوم حسین پر سلام
سلام اس آقا و مولا پر جو اسیرِمصائب ہوا
سلام اس آقا پر جس کی مظلومیت بے ساختہ آنکھوں سے اشک جاری کردیتی ہے
اے میرے اللہ میں گواہی دیتا ہوں
کہ وہ تیرے ولی اور تیرے ولی کے فرزند ہیں
اور تیرے منتخب بندے اور تیرے منتخب بندے کے فرزند ہیں
کہ جو تیری عظمت و کرامت کی بنا پر کامیاب ہو گئے
تو نے انہیں شہادت کے ذریعہ عظمت و بلندی عطا فرمادی
اور ابدی سعادت کے ذریعہ ممتاز بنا دیا
اور بہترین حسب و نسب کی بنا پر انہیں منتخب فرمایا
اور انہیں عظیم سرداروں میں سے ایک سردار بنایا
اور اسی طرح انہیں رہبرِ الٰہی منتخب فرمایا ہے
اور حق کا دفاع کرنے والوں میں سے قرار دیا ہے
اور انبیاء کی میراث انہیں عطا فرمائی ہے
اور انہیں اپنے اوصیاء میں سے اپنی مخلوقات پر حجت قرار دیا ہے
جسکے نتیجے میں انہوں نے بھی
لوگوں کو ہدایت کی طرف دعوت دینے میں کوتاہی نہ کی
اور بے دریغ خیر خواہی چاہی
اور اپنی جان کو تیری راہ میں فدا کر ڈالا
تاکہ تیرے بندوں کو جہالت سے رہائی دلوائیں
اور گمراہی میں بھٹکتے رہنے سے نجات دیں
جبکہ بالمقابل لوگ، ان پر ظلم کے لئے آمادہ نظر آئے
وہی لوگ کہ جنہیں اس فانی دنیا نے اپنے فریب کے جال میں جکڑ رکھا تھا
اور اپنی نیک بختی کو اس پست و ذلیل و ناچیز دنیا کے عوض بیچ ڈالا
اور اپنی آخرت کو بہت ہی کم قیمت پر اپنے ہاتھوں سے نکل جانے دیا
انہوں نے تکبر سے کام لیا اور خود کو ہوا و ہوس کے کنویں میں ڈھکیل ڈالا
اور تجھے اور تیرے پیغمبرؐ کو غضبناک کیا
اور تیرے بندوں میں سے ایسے کی پیروی کی جو اہل
شقاوت و نفاق تھے
جو گناہ کے سنگین بار کو اپنے کاندھوں پر اٹھائے ہوئے تھے
جسکے سبب وہ جہنم کے مستحق بن چکے تھے
لیکن امام عالی مقامؑ نے صبر و توکل کے ساتھ تیری راہ میں جہاد کیا
یہاں تک کہ انکا خون تیری اطاعت کے جرم میں بہا دیا گیا
اور خدا کے ان دشمنوں نے ان کے مقدس حریم پر تجاوز کو جائز قرار دے دیا
خدایا! ان پر شدید لعنت فرما اور اپنی رحمت سے انہیں
تا ابد محروم رکھ
اور اپنے دردناک عذاب کا ان ظالموں کو مزہ چکھا
اے فرزندِ رسول اللہ، آپ پر سلام
اے دلبندِ سید الاوصیاءؑ، آپ پر سلام
میں گواہی دیتا ہوں کہ آپ امینِ خدا اور فرزندِ امینِ خدا ہیں
آپ نے ہمیشہ ایسی حالت میں زندگی گزاری کہ خدا آپ سے راضی تھا
اور قابل تعریف زندگی بسر کرکے اس دنیا سے رخصت ہوئے
اور حالت غربت و مظلومیت میں شہید ہوئے
اور میں گواہی دیتا ہوں کہ خدا آپ سے کئے گئے وعدے کو وفا کرے گا
اور جس نے بھی آپ سے بدنیتی کی اسے ہلاک کر ڈالے گا
اور آپ کے قاتلوں کو شدید عذاب دے گا
اور میں گواہی دیتا ہوں کہ آپ نے بخوبی عہدِ خدا کا پاس و خیال رکھا
اور اسکے راستے میں جہاد کرنے سے نہیں کترائے
یہاں تک کہ یقینِ کامل کی حالت میں منزل شہادت پر فائز ہوگئے
خدا کی لعنت ہو آپ کے قاتلوں پر
اور خدا کی لعنت ہو ان لوگوں پر جنھوں نے آپ کے حق میں ظلم کیا
اور خدا کی لعنت ہو ان لوگوں پر جنھوں نے اس خبرِ ظلم کو سنا
اور اس سے راضی رہے
خدایا! میں تجھے اپنا گواہ قرار دیتا ہوں
کہ میں حسینؑ کے چاہنے والوں کو چاہتا ہوں
اور انکے دشمنوں کا دشمن ہوں
اے فرزند رسول اللہ! میرے ماں باپ آپ پر قربان
میں گواہی دیتا ہوں کہ آپ نور کی صورت تھے
والا مرتبت اجداد کے صلبوں میں
اور پاکیزہ ترین ماؤں کے رحم میں
دورانِ جاہلیت اپنی تمام تر کثافتوں کے باوجود آپ
کے اصل و نسب کو آلودہ نہ کر پایا
اور اس کا سیاہ لبادہ آپ کے گِرد و نَواح کو چھو بھی نہیں پایا
اور میں گواہی دیتا ہوں کہ آپ دین کا ستون ہیں
اور مسلمانوں کی محکم تکیہ گاہ ہیں
اور مؤمنین کی پناہ گاہ ہیں
اور میں گواہی دیتا ہوں کہ آپ وہی امام ہیں جو نیک اور متقی ہیں
پسندیدۂ خدا اور پاکیزہ ہیں
ہدایت کرنے والے اور خود بھی ہدایت یافتہ ہیں
اور میں گواہی دیتا ہوں کہ آپ کی نسل سے معصوم آئمہؑ
روح و حقیقت تقویٰ ہیں
اور ہدایت کی نشانیاں ہیں
اورخدا سے وابستہ کرنے والی محکم رسیاں ہیں
اور اہل دنیا پر خدا کی حجت ہیں
اپنے وجود کی گہرائیوں کے ساتھ گواہی دیتا ہوں
کہ: آپ کی امامت و ولایت پر ایمان رکھتا ہوں
اور آپ کی واپسی کا یقین رکھتا ہوں
اور اپنے دین کے قوانین اور اپنے کاموں کے نتائج پر ویسے ہی یقین رکھاتا ہوں جیسا کہ آپ نے بیان فرمایا ہے
اور میرا دل آپ کے پاکیزہ قلب کے سامنے سراپا تسلیم ہے
اور میرے تمام امور آپ کے تابعِ فرمان ہیں
اور آپ کی مدد کے لئے ہر آن آمادہ ہوں
یہاں تک کہ اللہ آپ کے ظہور کی اجازت مرحمت فرما دے
میں ہر وقت، ہمیشہ آپ کے ساتھ ہوں؛ آپ کے دشمنوں کے ساتھ نہیں
خدا کا بے انتہاء درود ہو آپ پر
اور آپ کی پاکیزہ روحوں اور آپ کے پاک جسموں پر
اور آپ کے حاضر و غائب پر
اور آپ کے ظاہر و باطن پر
اے تمام جہانوں کے پالنے والے! میری دعا کو شرف قبولیت عطا فرما۔
اسکے بعد دو رکعت نماز بجا لائیں اور راز و نیاز اور دعا میں مشغول رہیں۔

زیارت اربعین (عربی متن کی بہترین چینش،اردو ترجمہ)

قوموں کی زندگی میں تاریخ کی اہمیت وہی ہے جو کہ ایک فرد کی زندگی میں اس کی یادداشت کی ہوتی ہے۔ جس طرح ایک فرد واحد کی سوچ، شخصیت، کردار اور نظریات پر سب سے بڑا اثر اس کی یادداشت کا ہوتا ہے اسی طرح ایک قوم کے مجموعی طرزعمل پر سب سے زیادہ اثر انداز ہونے والی چیز اس کی تاریخ ہوتی ہے ۔ کوئی بھی قوم اس وقت تک اپنی اصلاح نہیں کر سکتی جب تک وہ اپنے اسلاف کی تاریخ اور ان کی خدمات کو محفوظ نہ رکھے۔اسلامی تاریخ مسلمانوں کی روشن اور تابندہ مثالوں سے بھری پڑی ہے۔لیکن افسوس کہ آج کا مسلمان اپنی اس تاریخ سے کٹ چکا ہے۔اپنی بد اعمالیوں اور شریعت سے دوری کے سبب مسلمان آج پوری دنیا میں ذلیل و رسوا ہو رہے ہیں۔اور ہر میدان میں انہیں شکست و ہزیمت کا سامنا ہے ۔آج 57 آزاد ممالک کی شکل میں قوت ،عددی اکثریت اور قدرتی وسائل سے مالا مال ہونے کے باوجود ذلت ،عاجزی اور درماندگی میں اسی مقام پر کھڑی ہے جہاں سوسال پہلے کھڑی تھی۔اس کا سب سے برا سبب مسلمانوں کا دین سے دور ہونا اور غیروں کے قریب ہونا ہے۔کافر ہمیں اس لئے مارتے ہیں کہ یہ مسلمان ہیں اور ہم اس لئے مار کھا رہے ہیں کہ ہم صحیح معنوں میں مسلمان نہیں ہیں۔تمام مسلمانوں کو چاہئے کہ وہ قرآن و سنت و اہلبیتؑ کی تعلیمات، اسلام کے انسانیت نواز پیغام اور اپنی روشن تہذیبی اَقدار کو پوری قوت اور خود اعتماد ی کے ساتھ دنیا پر آشکارا کریں،اور خود بھی اسی کے مطابق اپنی زندگی گزاریں۔
زیر تبصرہ کتاب " تاریخ الخلفاء "علامہ جلال الدین سیوطی کی تصنیف ہے، جس کا اردو ترجمہ محترم مولانا محمد مبشر چشتی سیالوی صاحب نے کیا ہے۔اس کتاب میں مولف موصوف نے حضرت ابو بکر سے لیکر دولت طبرستان تک کی ایک تاریخ بیان کر دی ہے۔ مولف نے اسلامی تاریخ کو جمع فرما کر مسلمانوں کو اسلاف سے جوڑنے کی ایک کامیاب کوشش کی ہے۔

تاریخ الخلفاء

زیر نظر کتاب تاریخ اسلامی کا بہت وسیع ذخیرہ اور تاریخی اعتبار سے ایک شاندار تالیف ہے جس میں مصنف نے بہت عرق ریزی سے کام لیا ہے۔واقعات کو بالاسناد ذکر کیا ہے جس سے محققین کے لیے واقعات کی جانچ پڑتال اور تحقیق سہل ہو گئی ہے۔یہ کتاب سیرت رسول ﷺ اور سیر صحابہ وتابعین پر یہ تالیف سند کی حیثیت رکھتی ہے اور سیرت نگاری پر لکھی جانے والی کتب کا یہ اہم ماخذ ہے المختصر سیرت نبوی اور سیرت صحابہ وتابعین پر یہ ایک عمدہ کتا ب ہے ۔جس کا مطالعہ قارئین کو ازمنۂ ماضیہ کی یاد دلاتا ہےاور ان عبقری شخصیات کے کارہائے نمایاں قارئین میں دینی ذوق ،اسلامی محبت اور ماضی کی انقلابی شخصیات کے کردار سے الفت و یگانگت پیدا کرنے کا باعث بنتے ہیں۔لہذا فحش لٹریچر ،گندے میگزین اور ایمان کش جنسی ڈائجسٹ کی بجائے ایسی تاریخی کتب کا مطالعہ کرنا چاہیے جو شخصیات میں نکھار ،ذوق میں اعتدال ،روحانیت میں استحکام اور دین سے قلبی لگاؤ کا باعث بنیں ۔
مؤرخ اسلام علامہ ابو جعفر محمد بن جریر طبری (839-923ء) کی یہ وہ شہرۂ آفاق کتاب ہے جو ایک ہزار سال سے زائد عرصے سے مسلمانوں کو ان کا ماضی یاد دلا رہی ہے۔ یہ مسلمانوں کی ہی نہیں، پوری انسانیت کی تاریخ ہے۔ اسی لیے اسے ’’تاریخ الرسل و الملوک‘‘ کے علاوہ ’’تاریخ الامم و الملوک‘‘ بھی کہا جاتا ہے، یعنی مخلتف اقوام و سلاطین کی تاریخ، لیکن عُرفِ عام میں یہ ’’تاریخ طبری‘‘ کے نام سے مشہور ہے۔ علامہ طبری نے اسے تاریخ کے ضروری مواد، تحریرات اور زبانی روایات سے جمع کیا تھا جن کی فراہمی کے لیے انہیں اسلامی دنیا کے علمی مراکز میں اپنی طویل سیر و سیاحت میں خاصے مواقع ملے۔ یہ عظیم الشان کتاب زمانے کے تھیٹروں سے بچ گئی۔ اس میں لغت، ادب، سیرت، تاریخ، احادیث، تاریخ خلفاء، تاریخ تفسیر و حدیث وغیرہ سب متفرق موضوعات جمع ہو گئے ہیں۔ اس کے علاوہ ان کتابوں کے اقتباسات بھی محفوظ ہو گئے ہیں جنہیں زمانے نے فنا کر دیا ہے۔
اُردو کا یہ ایڈیشن سات جلدوں پر مشتمل ہے۔ جلد اول میں کائنات کی تخلیق سے لے کر آنحضور صلی اللہ علیہ وآلہ وسلم کی ولات تک، تمام حالات و کوائف سابقہ انبیائے کرام کے احوال پر مشتمل ہے۔
جلد دوم سرور عالم صلی اللہ علیہ وآلہ وسلم کی حیات طیبہ سے لے کر حضرت عمر  تک کے حالات مذکور ہیں۔
جلد سوم خلافت حضرت عمر  سے حضرت علی علیہ السلام تک،
جلد چہارم حضرت حسن علیہ السلام  تا خلیفہ سلیمان بن مالک،
جلد پنجم حضرت عمر بن عبدالعزیز  تا خلیفہ الہادی،
جلد ششم خلیفہ ہارون الرشید تا واثق باللہ،
جلد ہفتم خلیفہ المتوکل علی اللہ تا المقتدر باللہ کے مفصل حالات پر مشتمل ہے
غرضیکہ تخلیق کائنات سے 302ھ / 923ء تک کے حالات پوری تفصیل اور جامعیت سے ’’تاریخ طبری‘‘ میں سما گئے ہیں۔ اس ایڈیشن کی ایک نمایاں خصوصیت 116 صفحات پر مشتمل پوری کتاب کا مفصل اشاریہ ہے جو آخری جلد میں شامل ہے۔

تاریخُ الرُسُلِ و الاُمَمِ و المُلوک (تاریخ الطبری)، ج ۱ تا ۷

المجتبى من السنن (المشهور بسنن النسائی)، تألیف ابوعبدالرحمن احمد بن شعیب بن على نسائى (215-303ق)،«السنن الصغرى»، «المجتبى» و «المجتنى» اس کتاب کے دوسرے نام ہیں۔
سُنن نسائی (اردو) : پیش نظرکتاب اہل سنت وجماعت کے نزدیک حدیث کی چھ مشہور کتابوں میں سے ایک اہم کتاب سنن نسائی  کا اردو ترجمہ ہے۔ اس کتاب کی بیشتر حدیثیں قابل حجّت وعمل ہیں ، البتہ بعض حدیثیں ضعیف ہیں۔ اس کتاب کو بعض مغاربہ نے حسن ترتیب، طریق استدلال، صحت نقل، توضیح ابہامات اور بیان علل کے پیش نظر تمام کتب ستہ پر ترجیح دی ہیں۔ کتاب کی افادیت کے پیش نظر اسلامی اکادمی لاہور نے مزید اضافات کے ساتھ اسکی طباعت کا ارادہ کیا ہے، اس سے قبل یہ کتاب علامہ وحید الزماں کے ترجمہ اور مفید حواشی کے ساتھ شائع ہوچکی ہے۔ اگر کتاب میں تحقیق وتخریج کی خدمت پیش کردی جاتی تو اسکی افادیت مزید بڑھ جاتی ۔ بہر حال تین ضخیم جلدوں میں (5764) احادیث پرمشتمل یہ کتاب طالبان علوم نبوت کیلئے ایک بیش بہا علمی تحفہ ہے۔ رب کریم کتاب کے مؤلف، مترجم، ناشر، مراجع کو جزائے خیر دے ، اور جملہ قارئین کے لئے اس کے نفع کو عام کرے۔ اور ہم سب کو نبی پاک صلی اللہ علیہ وسلم کی سنت کو اپنی زندگی میں حرزِجاں بنانے کی توفیق دے۔آمین!
موجودہ دور میں جہاں خود ساختہ قصے کہانیاں، بے سروپا نا ول و افسانے ہاتھوں ہاتھ لیے جا رہے ہیں وہیں احادیث سے محبت کا ذوق دم توڑ رہا ہے اسی کمی کو سامنے رکھتے ہوئے اسلامی اکادمی نے صحاح ستہ میں معتبر مقام رکھنے والی کتاب ’سنن نسائی‘ کا اردو ترجمہ شائع کیا ہے۔ اس کتاب کی افادیت کو سامنے رکھتے ہوئے ہم قارئین کی خدمت میں پیش کر رہے ہیں۔ حسن ترتیب، طریق استدلال، صحت نقل، توضیح ابہامات اور بیان علل کے پیش نظر بعض مغاربہ نے اس کو تمام صحاح ستہ پر اولیت دی ہے۔ اس سے قبل یہ کتاب علامہ وحید الزماں کے نہایت سلیس ترجمہ اور بریکٹوں میں تشریح کے علاوہ مفید حواشی کےساتھ شائع ہوچکی ہے۔ لیکن اس کتاب میں کچھ مزید اضافہ جات کے ساتھ ہدیہ قارئین کیا جا رہا ہے۔ کتاب کے شروع میں امام نسائی اور نواب وحید الزماں کے حالات و خدمات بھی درج کر دئیے گئے ہیں۔
علامہ سیوطی فرماتے ہیں کہ ذخیرہ احادیث میں یہ بہترین نصنیف ہے۔ اس سے قبل ایسی کتاب موجود نہ تھی۔ علامہ سخاوی فرماتے ہیں : بعض علما سنن نسائی کو روایت و درایت کے اعتبار سے صحیح بخاری سے افضل گردانتے ہیں۔ ابن رشید تحریر کرتے ہیں۔ جس قدر کتب حدیث سنن کے انداز پر مرتب کی گئی ہیں، ان میں سے سنن نسائی صفات کے اعتبار سے جامع تر تصنیف ہے کیونکہ امام نسائی نے امام بخاری اور امام مسلم کے انداز کو مجتمع کر دیا ہے۔

المجتبى من السنن (المشهور بسنن النسائی)، ج ۱ تا ۳

<div class="listCont">
احکام الٰہی کےمتن کانام قرآن کریم ہے اور اس متن کی شرح وتفصیل کانام حدیثِ رسول ہے اور رسول اللہ ﷺ کی عملی زندگی اس متن کی عملی تفسیر ہے رسول ﷺ کی زندگی کے بعد صحابہ کرام نے احادیث نبویہ کو آگے پہنچا کر اور پھر ان کے بعد ائمہ محدثین نے احادیث کومدون اور علماء امت نے کتب احادیث کے تراجم وشروح کے ذریعے حدیثِ رسول کی عظیم خدمت کی ہنوز یہ سلسلہ جاری ہے۔
کتاب کا تعارف:
امام ابو داؤد کی سب سے اہم کتاب ''السنن'' ہے۔ یہ ''سنن ابو داؤد'' کے نام سے مشہور ہے۔ سنن حدیث کی اس کتاب کو کہتے ہیں جس میں خاص طور پر احکام کی احادیث کو فقہی ابواب ترتیب پر جمع کیا گیا ہو۔ اس کی ابتداء فقہاء کی معروف ترتیب کے مطابق کتاب الطہارۃ سے کی گئی ہے۔ اس کے بعد کتاب الصلوۃ اور کتاب الزکوۃ وغیرہ ہے۔
امام ابو داؤد نے اس کتاب میں آئمہ فقہاء کی مستدلات کو جمع کیا ہے۔ یعنی آئمہ فقہاء نے اپنے اپنے مسائل میں جن جن احادیث سے استدلال فرمایا ہے وہ سب استدلالات اور دلائل اس کتاب میں لکھ دیے ہیں۔
غرض تالیف:
علامہ بن قیم سنن ابی داؤد کی غرض تالیف کے بارے میں فرماتے ہیں جس کا حاصل یہ ہے ''حاسدین و طاعنین کی جانب سے جب آئمہ فقہاء پر تنقید اور قلت روایت کے اعتراضات کیے گئے تو محدث امام ابو داؤد نے چاہا کہ ایک ایسی کتاب مرتب کی جاۓ جس سے مستدلات آئمہ واضح ہو جائیں''۔
امام ابو داؤد کا مکتوب:
امام ابو داؤد نے اہل مکہ کے نام اپنے مکتوب میں کتاب السنن کے منہج اور طریقہ تالیف پرمفصل روشنی ڈالی ہے۔ ذیل میں اس کے کچھ فقرات آپ کے منہج و طریقہ تالیف کو بیان کرنے کے لئے بیان کیے گئے ہیں:
میں نے ہرباب میں صرف ایک یا دو حدیثیں نقل کی ہیں، گو اس باب میں اور بھی صحیح حدیثیں موجود ہیں، اگر ان سب کو میں ذکر کرتا تو ان کی تعداد کافی بڑھ جاتی، اس سلسلہ میں میرے پیش نظر صرف قرب منفعت رہاہے۔
اگر کسی روایت کے دو یا تین طرق سے آنے کی وجہ سے میں نے کسی باب میں اسے مکرر ذکر کیا ہے تو اس کی وجہ صرف سیاق کلام کی زیادتی ہے، بسا اوقات بعض سندوں میں کوئی لفظ زائد ہوتاہے جو دوسری سند میں نہیں ہوتا، اس زائد لفظ کو بیان کرنے کے لئے میں نے ایسا کیا ہے۔
بعض طویل حدیثوں کو میں نے اس لئے مختصر کر دیا ہے کہ اگر میں انہیں پوری ذکر کرتا تو بعض سامعین کی نگاہ سے اصل مقصد اوجھل رہ جاتا، اور وہ اصل نکتہ نہ سمجھ پاتے، اس وجہ سے میں نے زوائد کو حذف کرکے صرف اس ٹکڑے کو ذکر کیا ہے، جو اصل مقصد سے مناسبت ومطابقت رکھتا ہے۔
کتاب السنن میں میں نے کسی متروک الحدیث شخص سے کوئی روایت نقل نہیں کی ہے، اور اگر صحیح روایت کے نہ ہونے کی وجہ سے اگر کسی باب میں کوئی منکر روایت آئی بھی ہے، تو اس کی نکارت واضح کر دی گئی ہے۔
میری اس کتاب میں اگر کوئی روایت ایسی آئی ہے جس میں شدید ضعف پایا جاتاہے تو اس کا یہ ضعف بھی میں نے واضح کر دیا ہے۔ اور اگر کسی روایت کی سند صحیح نہیں اور میں نے اس پرسکوت اختیار کیا ہے تو وہ میرے نزدیک صالح ہے، اور نسبتا ان میں بعض بعض سے اصح ہیں۔
اس کتاب میں بعض روایتیں ایسی بھی ہیں جو غیر متصل، مرسل اور مدلس ہیں۔ بیشتر محدثین ایسی روایتوں کو مستند و معتبر مانتے ہیں اور ان پر متصل ہی کا حکم لگاتے ہیں۔
میں نے کتاب السنن میں صرف احکام کی حدیثوں کو شامل کیا ہے اس میں زہد اور فضائل اعمال وغیرہ سے متعلق حدیثیں درج نہیں کیں۔ یہ کتاب کل چار ہزار آٹھ سو احادیث پرمشتمل ہے۔ جو سب کی سب احکام کے سلسلہ کی ہیں۔
سنن ابو داؤد کی خصوصیات:
سنن ابو داؤد میں درج ذیل خصوصیات پائی جاتی ہیں۔
فقہی احادیث کا ذخیرہ:
السنن میں امام ابو داؤد نے احکام کے متعلق روایات جمع کی ہیں۔ فقہی احادیث کا جتنا بڑا ذخیرہ اس کتاب میں موجود ہے وہ صحاح میں سے کسی کتاب میں موجود نہیں ہے۔
قال ابو داؤد:
سنن ابو داؤد میں منجملہ دیگرخصوصیات میں سے ایک قال ابو داؤد ہے۔ اس سے امام ابو داؤد کبھی تو اختلاف رواۃ فی الاسناد کو بیان کرتے ہیں اور کبھی صرف تعدد طرق کی طرف بھی اشارہ کرتے ہیں۔
آئمہ مجتہدین کی معمول بہا روایات:
امام ترمذی کی طرح ابو داؤد کی جمع کردہ اکثر و بیشتر روایات پر صحابہ سے لے کر بعد تک علماء و فقہاء اور آئمہ مجتہدین نے عمل کیا ہے۔ خصوصا امام مالک، سفیان ثوری اور امام شافعی وغیرہ کے دلائل اس میں بکثرت موجود ہیں۔
صحیح الاسناد قوی، متصل اور مرفوع احادیث کا اہتمام:
سنن میں صحیح الاسناد قوی، متصل اور مرفوع احادیث کا اہتمام کیا گیا ہے۔ اس کی صحت کا اندازہ اس بات سے ہوتا ہے کہ امام صاحب نے پانچ لاکھ حدیثیں جمع کی تھیں اور پھر ان میں کل چار ہزار آٹھ سو احادیث منتخب کی تھیں۔
مختلف اسناد اور ان کے الفاظ کی وضاحت:
امام ابو داؤد بعض مرتبہ جب کسی حدیث کی سند کو بیان کرتے ہیں تو ایک سند کے ساتھ اسی حدیث کی دوسری سند بھی چلا دیتے ہیں اور پھر ہر سند کے الفاظ مروی ہوتے ہیں۔ ان کو الگ الگ واضح کرتے ہیں۔
روایات میں تکرار کی کمی:
روایتوں کے تکرار سے حدیث کی کوئی کتاب خالی نہیں لیکن امام ابو داؤد نے حتی الامکان تکرار سے بچنے کی کوشش کی ہے۔ اس لیے انھوں نے کثرت طرق نقل کرنے سے احتراز کیا ہے۔
حسن ترتیب:
روایت میں جامعیت کے علاوہ اس میں حسن ترتیب و تالیف بھی موجود ہے۔ آپ نے ضرورت کے مطابق اسماء وکنی کے علاوہ رواۃ کے القاب کی وضاحت بھی کی ہے۔
رواۃ کی ثقاہت اور عدم ثقاہت:
رواۃ کی ثقاہت اور عدم ثقاہت یعنی جرح و تعدیل کو بھی بیان کیا گیا ہے اور روایات کے حسن و قبح اور صحت و سقم کی بھی وضاحت کی ہے۔
ثلاثی روایت:
سنن میں ایک ثلاثی روایت بھی موجود ہے۔
سنن ابی داؤد کے متداول نسخے اور ان کے رواۃ:
امام ابو داؤد سے ان کے سات تلامذہ نے سنن کی روایت کی ہے۔ ان میں سے چار تلامذہ زیادہ مشہور ہیں اور ان کے نسخے زیادہ معتبر و متداول ہیں۔ ان کے نام مندرجہ ذیل ہیں:
نسخہ لؤلوی
نسخہ ابن داسہ
نسخہ رملی
نسخہ ابن الاعرابی
شرح و تعلیقات:
سنن ابو داؤد کی اہم شرح و تعلیقات اور ان کے مؤلفین کے نام مندرجہ ذیل ہیں:
معالم السنن: اس کے مؤلف کا نام امام ابو سلیمان احمد بن محمد خطابی ہے۔
شرح قطب الدین: ابو بکر بن احمد یمنی نے لکھی۔ یہ چار جلدوں پر مشتمل کتاب آج کل نایاب ہے۔
شرح نووی: ابو زکریا محی الدین یحیی ابن شرف نووی نے لکھنا شروع کی مگر اس کو مکمل نہ کر سکے۔
شرح ابن قیم: شمس الدین محمد بن ابو بکر قیم جوزی نے لکھی۔
تلخیص منذری: ابو محمد زکی عبد العظیم بن عبدالقوی مصری نے تالیف کی۔
شرح مغلطائی: یہ حافظ علاؤالدین مغلطائی کی شرح ہے جو نامکمل ہے۔
انتجاء السنن: ابو محمود شہاب الدین امحد بن محمد مقدسی کی لکھی ہوئی ہے۔
شرح ابن ملقن: شیخ سراج الدین عمر بن علی بن ملقن شافعی کی تالیف ہے۔
شرح عراقی: ابو زرعہ ولی الدین احمد بن عبد الرحیم زین الدین عراقی کی کتاب ہے۔
شرح ابن ارسلان: ابو العباس احمد بن حسین رملی کی شرح ہے۔
شرح عینی: علامہ بدرالدین عینی کی تالیف ہے۔
شرح سیوطی: علامہ جلال الدین سیوطی کی تالیف ہے۔
شرح سندی: علامہ ابو الحسن سندی کی شرح ہے۔
غایۃالمقصود: مولانا شمس الحق کی شرح ہے۔
عون الحق: مولانا شمس الحق ڈیانوی کی شرح ہے۔
بذل المجہود فی حل ابی داؤد: مولانا خلیل احمد سہارنپوری کی تالیف ہے۔
الدرالمنضود علی سنن ابی داؤد: مولانا محمد عاقل کی شرح ہے۔ آسان اردو میں ہے۔ پانچ جلدوں پر مشتمل ہے اور شائع ہو چکی ہے۔


</div>

سنن ابو داؤد، ج ۱ تا ۳

صحیح مسلم امام مسلم (204ھ۔261ھ) کی مرتب کردہ شہرہ آفاق مجموعہء احادیث ہے جو کہ صحاح ستہ کی چھ مشہور کتابوں میں سے ایک ہے۔ امام بخاری کی صحیح بخاری کے بعد دوسرے نمبر پر سب سے مستند کتاب ہے۔امام مسلم کا پورا نام ابوالحسین مسلم بن الحجاج بن مسلم القشیری ہے۔ 202ھ میں ایران کے شہر نیشاپور میں پیدا ہوئے اور 261ھ میں نیشاپور میں ہی وفات پائی۔ انہوں نے مستند احادیث جمع کرنے کے لئے عرب علاقوں بشمول عراق، شام اور مصر کا سفر کیا۔ انہوں نے تقریباً تین لاکھ احادیث اکٹھی کیں لیکن ان میں سے صرف7563 احادیث صحیح مسلم میں شامل کیں کیونکہ انہوں نے حدیث کے مستند ہونےکی بہت سخت شرائط رکھی ہوئی تھیں تا کہ کتاب میں صرف اور صرف مستند ترین احادیث جمع ہو سکیں۔ صحیح مسلم کی اہمیت کے پیش نظر صحیح بخاری کی طرح اس کی بہت زیادہ شروحات لکھی گئیں۔ عربی زبان میں لکھی گئی شروحات ِ صحیح مسلم میں امام نووی کی شرح نووی کو امتیازی مقام حاصل ہے ۔پاک وہند میں بھی کئی اہل علم نے عربی واردو زبان میں اس کی شروحات وحواشی لکھے ۔عربی زبان میں نواب صدیق حسن خاں اور اردو میں علامہ وحید الزمان کا ترجمہ قابل ذکر ہے اورطویل عرصہ سے یہی ترجمہ متداول ہے۔  زیر تبصرہ کتاب علامہ وحید الزمان کی ترجمہ شدہ ہے۔ صحیح مسلم کے کئی نسخے بازار میں دستیات ہیں۔

الجامع الصحیح مشهور بہ صحیح مسلم، ج ۱

اَلْجامعُ الْمُسْنَد الصّحیح الْمُخْتَصَر مِنْ اُمور رَسول اللّه(ص) وَ سُنَنه و اَیّامِه معروف بہ صحیح البخاری، ج ۱ تا ۶

مؤطا امام مالک حدیث کی ایک ابتدائی کتاب ہے ۔ جسے امام مالک بن انس نے تصنیف کیا۔ انہی کی وجہ سے مسلمانوں کا ایک طبقہ فقہ مالکی کہلاتا ہے جو اہل سنت کے ان چار مسالک میں سے ایک ہے جس کے پیروکا ر آج بھی بڑی تعداد میں موجود ہیں۔امام مالک فقہ اورحدیث میں اہل حجاز بلکہ پوری ملت اسلامیہ کے امام ہیں۔ آپ کی کتاب "الموطا" حدیث کے متداول اور معروف مجموعوں میں سب سے قدیم ترین مجموعہ ہے۔مؤطاسے پہلے بھی احادیث کے کئی مجموعے تیار ہوئے اور ان میں سے کئی ایک آج موجود بھی ہیں لیکن وہ مقبول اورمتداول نہیں ہیں۔ مؤطاکے لفظی معنی ہے، وہ راستہ جس کو لوگوں نے پےدرپے چل کر اتناہموارکردیاہو کہ بعد میں آنے والوں کے لیےاسپرچلناآسان ہوگیاہو۔ جمہور علماء نے موطاکو طبقات کتب حدیث میں طبقہ اولیٰ میں شمار کیاہے امام شافعی فرماتے ہیں’’ماعلی ظہرالارض کتاب بعد کتاب اللہ اصح من کتاب مالک‘‘کہ میں نے روئے زمین پر موطاامام مالک سے زیادہ کوئی صحیح کتاب (کتاب اللہ کے بعد)نہیں دیکھی ۔مؤطاکا ایک خاصہ یہ بھی ہے کہ امام مالک ﷫ نے اس میں صرف صحیح احادیث کو ہی نقل کرنے کی سعی جمیل فرمائی ہے ۔جیسا کہ شاہ ولی اللہ محدث دہلوی﷫ نےاس پر محدثین کا اتفاق نقل فرمایا ہے ۔اس کی اسی اہمیت کے باعث ہر دور میں اکابر امت نے اپنے اپنے حلقہ ہائے تدریس میں اس سے استفادہ کیا اورمختلف ادوار میں مختلف دول ِ اسلامیہ میں اس کی شروحات وتعلیقات بھی لکھی ہیں ۔امام ابن عبد البر کی ’’الاستذکار‘‘ مؤطا امام مالک کی ضخیم شرح ہے ۔