محمد باقر عبد الکریم بہبہانی کی تصنیف کردہ «الدمعة الساكبة في والحوال النبی و العترة الطاهرة»، عربی میں لکھی گئی چودہ معصومین(ع) کی سوانح حیات اور تفصیلات  پر ایک کتاب ہے۔
مصنف نے کتاب کے آغاز میں کہا ہے کہ میں نے اس کا نام «الدمعة الساكبة و المصيبة الراتبة و المناقب الثاقبة و المثالب العائبة» رکھا ہے، لیکن موجودہ شائع شدہ کتاب میں یہ نام  تبدیل کردیا گیا ہے۔
یہ امر قابل ذکر ہے کہ واعظ تبریزی خیابانی نے«وقائع الأيام في تتمة محرم الحرام»،اس کتاب کے مصنف کی تعریف کی ہے اور«دار الإسلام في من فاز بسلام الإمام(ع)» میں شیخ محمود عراقی کا حوالہ دیتے ہوئے کہا ہے کہ ’’انہیں عربی عبارات میں کچھ خاص مہارت حاصل نہیں تھی کیونکہ انہیں عربی کی کچھ خاص سمجھ بوجھ نہ تھی پھر بھی، توفیق ربانی ان کے اس قدر شامل حال ہوئی کہ  انہوں نے چودہ معصومین(ع) کے حالات میں ایک عظیم عربی کتاب [الدمعة الساكبة] لکھ ڈالی، جو ایک لاکھ سے زیادہ ابیات پر مشتمل تھی اور یہ کتاب اہل نظر اور معتبر علماء کے درمیان مقبول و معتبر قرار پائی کچھ یوں یہ کتاب مشہور ہوئی کہ انکی زندگی میں ہی انکی کتاب سے علماء و افاضل کے لیے نسخہ برداری ہوئی۔
کتاب مصنف کے مقدمے سے شروع ہوتی ہے جبکہ کتاب کے مطالب و مندرجات توصیفی ہیں اور نقل قول پر مبنی ہیں، کتاب کے بعض مندرجات مقتل ابومخنف اور منتخب طریحی سے ماخوذ ہیں کہ جنکے معتبر ہونے میں نقد و نظر موجود ہے۔
مصنف کے دیگر ذرائع میں مندرجہ ذیل کتابیں شامل ہیں: «مقتل الحسين(ع)»، «بصائر الدرجات» شیخ ثنا بن محمد بن حسن بن صفار؛ «التنزيل و التحريف» احمد بن محمد بن صبار؛ «المحاسن و الآداب» احمد بن محمد بن خالد برقی؛ «قرب الإسناد» محمد بن عبدالله بن جعفر بن حسین بن جامع بن مالک قمی؛ «الرد علی فرق الشيعة ما خلا الإمامية» ابومحمدحسن بن موسی نوبختی؛ «الكافي» کلینی؛ «الغيبة» نعمانی؛ «إثبات الوصية» اور«مروج الذهب» مسعودی؛ «البدع المحدثة» علی بن احمد ابی‌قاسم کوفی؛ «هدایة في تاريخ النبي و الأئمة معجزاتهم(ع)» حسین بن حمدان حضینی جنبلائی اور...۔
مقدمے میں، کتاب میں استعمال ہوئے منابع اور ابواب کی فہرست کا تعارف پیش کرتے ہوئے، پیغمبر اکرم(ص) اور ائمہ(ع) کے لئے سوگ اور حزن و بکا کے ثواب کا تذکرہ کیا گیا ہے۔
 اردو ترجمے کی اس دوسری جلد میں امام حسینؑ، امام زین العابدینؑ،امام محمد باقرؑ، امام جعفرصادقؑ تذکرہ نظروں سے گزرے گا گویا یہ ان تمام مطالب کا نچوڑ ہے جو آپ مختلف کتابوں میں تلاش کرتے ہیں اور بعض اوقات آپکو وہ نہیں ملتا لیکن اس کتاب کو پڑھنے کے بعد تاریخ و سیرت کا ایک مکمل دورہ ہوجائے گا۔

Author

Editor

Interpreter

Common title

Number of volumes

Persian Title

Publish location

Publication year

Publish number

Publisher

Qr Code

Sect

Scholar

ISBN

Source

Translated

is suggested

View

اَلدَّمْعَةُ السّاکِبَة فی أحْوالِ النَّبیّ و العِتْرَة الطّاهِرَة(اردو ترجمہ الدمعۃ الساکبہ) ج۲

ہمارے اصول کے مطابق قرآن مجید کا ترجمہ حضرات محمد و آل محمد علیہم السلام کی تفسیر اور ان کے ارشادات کے تابع ہوتا ہے۔ ہمارے نزدیک وہ ترجمہ جو ارشادات و توضیحات حضرات معصومین علیهم السلام کی روشنی میں نہ کیا گیا ہو وہ تفسیر بالرائے کے مترادف سمجھا جاتا ہے۔ حضرت رسول کریم صلی اللہ علیہ و آلہ وسلم فرماتے ہیں مَنْ فَسَّرَ بِرَأْيِهِ آيَةً مِنْ كِتَابِ اللَّهِ فَقَدْ كَفَرَ؛ جس نے اپنی رائے سے قرآن مجید کی ایک آیت کی تفسیرکی وہ کافر ہوگیا (وسائل الشیعة،جلد۲۷، صفحه۴۵ بحوالۂ تفسیر عیاشی)۔
قرآن مجید کا زیر نظر ترجمہ حضرت علامہ حافظ سید فرمان علی صاحب قبلہ اعلی اللہ مقامہ( چندن پٹی ضلع دربھنگہ صوبۂ بہار ہندوستان) کا کیا ہوا ہے۔ علامہ موصوف بے پناه قابلیت و صلاحیت کے مالک تھے۔ اور ان کا ترجمہ قرآن بھی بے انتہا خوبیوں سے بھرپور ہے اور بڑے بڑے علما نے اسے سراہا اور تمام اردو ترجموں کا سرتاج قرار دیا ہے، لیکن بمقوله الانسان مرکب من الخطاء والنسیان ترجمہ اور حواشی میں بھول چوک اور تسامح بعید از امکان نہیں، علم کی وسعت لامتناہی ہے دنیا میں کوئی شخص بھی قائل ’’قول سلونی‘‘ کے علاوہ نہ اس کا دعوے کرسکتا ہے کہ وہ تمام علوم پر حاوی ہے اور نہ رہتی دنیا تک کر سکے گا۔
علامہ موصوف نے لازماً ترجمہ کرتے وقت تفاسیر محمد و آل محمد علیہم السلام اور ان کے پاکیزه ارشادات کو پیش نظر رکھا ہوگا لیکن بمقتضائے بشریت کسی مقصد، مطلب اور مفہوم کا نظرانداز ہوجانا غیرممکن نہیں، یہی وجہ ہے کہ بعج مقامات پر حواشی میں تسامحات ہو گئے ہیں جن کی طرف علماء نے متوجہ فرمایا ہے جس کے بعد اب ان تسامحات سے پاک موجودہ ترجمہ پیش ہے۔
ترجمہ کی تمام تر خوبیوں کے علاوہ چند امور کا اور اضافہ کیا گیا ہے جو غالباً ناظرین کی پسندیدگی اور دل چسپی کا باعث ہوگا:
۱.ابتدا میں قرآن مجید کے مضامین کی مفصل فہرست ہے جس میں جداگانہ ابواب قرار دیئے گئے ہیں۔ مثلاً باب الاحکام، باب الفضائل وغیرہ اور پھر ہر مطالب کے آیات کو مع تعداد آیات و پاره و سوره و صفحہ لکھ دیا گیا ہے تاکہ جس مطلب کو جس وقت چاہیں فوراً نکال لیں۔
۲.ہر سورة  کے آیات کے شمار واعداد بھی لکھے ہوئے ہیں۔
۳.قریب قریب ہر مضمون کی سرخی صفحات کے کنارے جلی قلم سے لکھی ہوئی ہے۔
۴.ہر سورة  کے ابتدار میں حاشیہ پر یہ بیان کر دیا گیا ہے کہ اس سورت میں خدا نے اخلاق، احکام وغیرہ کِس کِس  بات کی تعلیم فرائی ہے۔
۵.قصص، واقعات اور شان نزول وغیر مستند تفاسیر سے، اور فضائل ومناقب خاص علماء اہل سنت کی معتبر کتابوں سے بحوالۂ صفحہ و سطر و مطبع، حاشیہ پر مندرج ہیں۔ باوجود ان تمام امور کے اسلام کے ہر فرقہ کے لوگ بے دِقّت و شوق ملاحظہ کر سکتے ہیں۔ نہ کہیں کسی پر طعن  ہے اور نہ کسی پر حملہ۔

Rate

Votes

القرآن الکریم ترجمہ سید فرمان علی

پیش نظر کتاب میں ڈاکٹر علی شریعتی نے مولائے کائنات علی ابن ابی طالب علیہما السلام کی زندگی کے اس پہلوکو اجاگر کرنے کی کوشش کی ہے جس کی طرف عموماً توجہ نہیں کی جاتی۔اس مقالے میں ڈاکٹر علی شریعتی نے دو امور پر زور دیا ہے ا۔ اہمیتِ معرفت، ۲۔ عدم معرفت کی بدولت علی علیہ السلام کی اس بسيط کائنات میں تنہائی۔
ڈاکٹر علی شریعتی اس حقیقت کو آشکار کرتے ہیں کہ کروڑوں لوگوں کے دل علی علیہ السلام کی محبت میں شبانہ روز تڑپتے ہیں اور محبت امیرؑ میں لکھی گئی کتابیں، اشعار، قصائد کو اگر یکجا کیا جائے تو ایک عظیم کتابخانہ معرض وجود میں آجائے گا مگر علیؑ کی شخصیت کیسی تھی اور ان کی جامع اور اکمل ذات کو ذہن میں متصور کرنے والی شائد ایک کتاب بھی نہ مل سکے اس کربناک صورتحال کی ذمہ دار قوم و ملت نہیں بلکہ قوم کے فضلاء و دانشور ہیں جو فرماتے ہیں کہ بات صحیح ہے مگر خلافِ مصلحت ہے۔
مولائے کائنات کی محبت از حد ضروری مگر ان کی محبت سے بھی زیادہ اہم اور گرانقدر ان کی ذات کی معرفت ہے جو کہ ایک انسان مطلق و کامل کی معرفت ہے جو چلچلاتی دھوپ میں مشغول مزدوری ہے، گہری فکر میں غوطہ زن فلسفی، خالق کائنات کی تخلیق میں محو پرواز عارف کامل، محراب مسجد میں سر بسجود بے مثال عابد، لذائذ دنیا سے مستغنی زاہد، میدان حرب کا فقید المثال جنگجو، یتامیٰ  و ارامل کیلئے تاریک و سرد راتوں میں سامان مہیا کرنے والا مردگار، قوم و ملت کی ہدایت میں مصروف کامل رہنما، اخلاق و فضائل انسانیت کا چشمۂ پرفیض، بے مثال شوہر، افضل ترین باپ اور سیدالبطحاء کا مجموعۂ اوصاف فرزند، نفس رحمة للعالمین، ایسے جامع اضدار اوصاف کا مالک انسان کامل دنیا دار معاشرے میں ناشناختہ رہے۔ جس ذات کے نقش قدم پر چل کر معاشرہ کامیاب، سماج آزاد، ترقی یافتہ اور پرسکون تہذیب معرض وجود میں آسکتی تھی اہل دنیا اس کی شناخت و معرفت سے بے بہرہ رہے۔
انسان خواہشات و حیوانیت سے جس رفتار سے دور ہوتا جاتا ہے اتنا ہی تنہا ہوتا جاتا ہے اور صرف اور صرف انسان رہ جاتا ہے اور مولائے کائنات انسان مطلق ہیں۔ان کی خاموشی کیوں ہے؟ ان کا غم کیا ہے؟ ان کی تنہائی اور ان کا غم یہ ہے کہ ہم انہیں پہچان نہ سکے۔
ڈاکٹر علی شریعتی اس رسالے کے ذریعے محبان امیرعلیہ السلام کے اندر کے انسان کو کمال کے راسوں پر گامزن دیکھنا چاہتے ہیں اور یہ ایک ہی صورت میں ممکن ہے کہ ہم مولائے کائنات کی معرفت حاصل کرنے کے بعد ان کے نقش قدم پر چلنے کی کوشش کریں کیونکہ دنیوی آسودگی اور اخروی نجات کا یہی واحد راستہ ہے۔
پیش نظر کتابچے کو ضرور اپنے مطالعے کا حصہ قرار دیں۔

علیؑ اور تنہائی

یہ موجود صدی کے  نامور اسلامی مفکر اور ملت اسلامیہ کے عظیم دانشمند شہید مرتضیٰ مطہری کی کتاب ہے۔اس میں مختلف اسلامی علوم کا تعارف کروایا گیاہے۔کتاب کے موجودہ حصے میں اصول فقہ پر بحث کی گئی ہے۔

اسلامی علوم کا تعارف(منطق)

دنیا میں مقدس ترین خدمت یہ ہے کہ بنی آدم کے اخلاق کی اصلاح کی جائے اورانسانی اقدارکی بلندی کابہترین راستہ یہ ہے کہ کسی انسان کو یا اس کے حالات کو انسانوں کے سامنے پیش کردیاجائے جو اخلاقی اعتبارسے کامل ہو،اسی لئے انسانی معاشرے میں تاریخ کواہمیت کی نگاہ سے دیکھاگیاہے اورہمارے علماء کرام نے تاریخ کومحفوظ رکھنے کے لئے متعددکتابیں لکھی ہیں ،انہیں تاریخی کتب میں سے مرحوم ملامحمدباقرمجلسی کی کتاب جلاء العیون ہے ،جس میں انبیاء کرام کے ساتھ ساتھ آئمہ معصومین کی سیرت وتاریخ کاتذکرہ کیاگیاہے۔
&nbsp;

&nbsp;

&nbsp;

&nbsp;

&nbsp;

&nbsp;

&nbsp;

&nbsp;

&nbsp;

جلاء العیون ج۲

پیش نظر کتاب میں امیرالمؤمنینؑ کے فضائل و مناقب کو ذکر کیا گیا ہے، کتاب کے مؤلف  علی رضا صابری یزدی ہیں جسکا ترجمہ آپ کے پیش نظر ہے۔جیسا کہ کتاب کے نام سے ہی واضح ہے کہ کتاب کا موضوع اور عنوان مناقبِ و فضائل امیرالمؤمنینؑ ہے اس خصوصیت کے ساتھ کہ اس ضمن میں ایک ہزار احادیث کے ضمن میں فضائل و مناقب امیرالمؤمنینؑ بیان ہوئے ہیں۔
قابل ذکر ہے کہ پیش نظر کتاب میں موجود یہ ہزار احادیث پانچ حصوں اور اٹھارہ فصول اور 201 عناوین پر مشتمل ہونے کے ساتھ شیعہ اور اہل سنت کی کتب سے لیے گئے 206 مآخذ و منابع سے مرتب ہوئی ہے۔

مولا علیؑ کی شان میں ایک ہزار احادیث

جامع الاخبار واحد کتاب ہے جو تاج الدين، محمد بن محمد بن حيدر شعيرى سبزواری (۶ویں صدی) سے منسوب کی گئی ہے، بعض افراد نے اس کتاب کو شیخ صدوقؒ اور دوسرے علماء کی طرف بھی منسوب کیا ہے، لیکن چونکہ یہ کتاب سديد الدين حمّصى (زنده ۵۸۳ق) و اخطب خوارزم (متوفاى ۵۶۸ق) کے مطالب سے نقل ہوئی ہے، اس لئے یہ کتاب چھٹی صدی میں تحریر ہوئی مانی جاتی ہے۔
دوسری طرف ، مصنف نے کتاب کے ایک باب (ناخن تراشنے کے استحباب) میں اپنے نام کا ذکر کیا ہے۔ شیخ آقا بزرگ تہرانی نے(الذریعہ، جلد 5 ، ص 27 اور جلد 5 ، صفحہ 34 ، صفحہ 151) شیخ صدوقؒ کی جانب اس کتاب کی نسبت کو درست نہیں مانا ہے۔
موجودہ کتاب 141 ابواب میں ترتیب دی گئی ہے ، جن کے عمومی عنوانات یہ ہیں: الٰہیات، توحید اور عدل کی گفتگو۔فضائل معصومين عليہم‌السلام۔ زيارات چہارده معصوم عليہم‌السلام۔ اعمال مستحب و آداب۔ بحث ايمان و اسلام و علم۔ نماز اور اس کے فضائل۔ مہمان اور زینت کے آداب۔ جھوٹ، شراب، اور ان جیسے اخلاق رذیلہ کا ذکر۔ موت ، قیامت اور برزخ کی بحث۔ نوادر۔
مصنف نے اپنی کتاب کے لیے یہ روش اپنائی ہے کہ باب کے شروع میں اس باب سے مناسب آیت ذکر کردی ہے اور پھر روایات کا ذکر کیا ہے۔
مصنف نے اس کتاب کو ایک اخلاقی اور عملی کتاب کے طور پر رشتۂ تحریر سے جوڑا ہے، اور اسی وجہ سے انہوں نے روایات کی اسناد کو حذف کردیا ہے تاکہ کتاب کا حجم کم رہے اور قاری بھی تھکاوٹ کا شکار نہ ہو۔

تحفۃ الاخبار ترجمہ جامع الاخبار

تفسیر جلیل الشان جوکہ منسوب ہے حضرت امام حادی عشر جناب امام حسن عسکری علیہ السلام کی طرف بہت سارے اسرار و رموز پر مشتمل ہے جس کے ملاحظے سے چشم دل روشن و منوّر ہوجاتی ہے، اس بات کی بہت ضرورت تھی کہ اس کتاب کا اردو زبان میں ترجمہ ہوتا تاکہ اردو ترجمہ اردوں داں طبقے کے لیے مفید عام قرار پاتا، الحمد للہ کہ سید جلیل و فاضل نبیل جناب سید شریف حسین صاحب نے مذکورہ کتاب کا سلیس و بامحاورہ ترجمہ اردو میں کرکے اجر و ثواب اپنے نام کرلیا ہے۔ ترجمے کے مستند ہونے کے لیے یہی کافی ہے کہ اس پر مشہور علماء و افاضل جیسے سید محمد ہارون زنگی پوری، سید نجم الحسن صاحب نے تقریظ تحریر فرمائی ہے۔
تفسیر امام حسن عسکری (ع) مکتب امامیہ کی روائی تفاسیر میں سے ہے جو تیسری صدی ہجری میں لکھی گئی۔ اس میں بعض آیات کی تاویل بیان ہوئی اور اکثر پیامبر (ص) و ائمہ کے معجزات کی تاویل بیان کی گئی ہے۔ آیات کے اسباب نزول کی طرف کم توجہ کی گئی اگرچہ آیات کے مصادیق بیان ہوئے ہیں۔ صرف، نحو اور بلاغت جیسے ادبیات عرب کے علوم اس میں موجود نہیں ہیں۔ اس کتاب کی سند کے سلسلے سے ظاہر ہوتا ہے کہ چوتھی اور پانچویں صدی کے فقہا و محدثین کے درمیان اس تفسیر سے مطالب نقل کئے جاتے تھے۔ یہ تفسیر سورہ بقرہ کی 282ویں آیت کے آخر تک موجود ہے۔یہ تفسیر قرآن کے فضائل سے متعلق روایات، تأویل اور آداب قرائت قرآن سے شروع ہوتی ہے نیز فضائل اہل بیت (ع) کی احادیث اور دشمنان اہل بیت کے مثالب (ع) کے ساتھ اس کا تسلسل جاری رہتا ہے۔
اس کتاب میں سیرت نبوی خاص طور پر مناسبات پیغمبر اسلام(ص) اور یہود سے متعلق متعدد ابحاث مذکور ہیں۔ مجموعی طور پر اس تفسیر میں 379 حدیثیں منقول ہوئی ہیں۔ حجم کے لحاظ سے اکثر و بیشتر روایات اس طرح طولانی اور مفصّل ہیں کہ چند صفحات پر مذکور ہیں اسی وجہ سے ان میں بعض مقامات پر یہ روایات حدیثی خد و خال سے باہر نکل گئی ہیں۔ بعض روایات میں اضطراب پایا جاتا ہے۔
یہ تفسیر بعض آیات کی تاویل پر مشتمل ہے اور اکثر معجزات پیغمبر(ص) اور ائمہ کے معجزات کی تاویلیں بیان کرتی ہے۔ اس تفسیر میں آیات کے اسباب نزول کی طرف کم توجہ کی گئی ہے۔ ادبیات عرب کے علوم کی طرف اس تفسیر میں توجہ نہیں کی گئی۔
اکثر آیات کی تفسیر آیت کے مفہوم کی شرح و توضیح سے شروع ہوتی ہے پھر معصومین (ع) سے منقول روایات آیات کی تفسیر میں بیان ہوئی ہیں۔ بعض مقامات پر آیت کی تفسیر شان نزول کی روایات سے مخلوط ہیں۔شیعہ،رافضی، تقیہ، صحابہ کے فضائل اور خبّاب بن ارّت اور عمار بن یاسر، کی مانند کچھ عناوین ہیں جو آیات کی تفسیر کے حاشیے پر ذکر ہوئے ہیں۔ شجرۀ ممنوعہ سے شجرۀ علم محمد (ص) اور اہل بیت (ع)  کے فرق جیسے تفسیری نکات اس تفسیر کی خصوصیات میں سے ہیں۔
اس کتاب کی سند کے سلسلے سے ظاہر ہوتا ہے کہ چوتھی اور پانچویں صدی میں قم کے فقہا اور محدثین کے درمیان اس تفسیر سے مطالب نقل کئے جانے کا رواج تھا۔ خطیب اور مشہور مفسر جرجانی محمد بن قاسم استر آبادی نے اس تفسیر کے دو راویوں یعنی ابو الحسن علی بن محمد بن سیار (یسار؟) اور ابو یعقوب یوسف بن محمد بن زیاد سے اس تفسیر کے مطالب نقل کئے ہیں۔ جبکہ ان دونوں کے حالات زندگی تاریخی لحاظ سے مشکوک نظر آتے ہیں۔
اس تفسیر کے قدیمی ہونے کے باوجود اس کی وثاقت علمائے امامیہ کے درمیان محل اختلاف ہے۔ شیخ صدوق (متوفی 381 ھ) نے اس کتاب سے اکثر مطالب اپنی کتابوں میں نقل کئے ہیں۔ اگرچہ اس کتاب کی وثاقت و عدم وثاقت کے متعلق کوئی بات نہیں کی ہے۔
سب سے پہلے جس شخصیت نے اس کتاب پر تنقید کی وہ احمد بن حسین بن عبیداللّه غضائری ہیں جو ابن غضائری کے نام سے شہرت رکھتے ہیں۔ انہوں نے الضعفاء میں محمد بن قاسم استر آبادی کو ایک ضعیف اور کذّاب شخص کہا ہے نیز کہا ہے کہ سلسلۂ سند میں دو افراد جو اپنے باپ سے اور وہ امام حسن عسکری سے نقل کرتے ہیں، مجہول ہیں۔ابن غضائری تفسیر کو موضوع اور جعلی سمجھتے ہیں اس کے وضع کرنے والے کا نام سہل بن احمد بن عبداللّہ دیباجی (متوفی 380 ھ) ذکر کیا ہے۔اس تفسیر کو معتبر جاننے والوں نے بھی ابن غضائری کے کلام کی رد میں دلائل ذکر کئے ہیں۔
سید شریف حسین بھریلوی (متوفی 1361 ھ) نے اس تفسیر کو اردو زبان میں ترجمہ کیا اور آثار حیدریہ کے نام سے اسے چھپوایا ہے۔

آثار حیدری-تفسیر امام حسن عسکریؑ

مجالس کی تیاری میں،دروس کی تیاری میں،خطیب و ذاکرین کے لئے،علماء و طلباء کے لئے،مدارس و سکولوں کے اساتذہ کے لئے،مولفین کے لئے،اخلاقی و معنوی کردار سازی کے لئے،اور سب سے بڑھ کر ان والدین کے لئے جو اپنے بچوں کی اخلاقی، معانوی، روحانی، اور دیگر بہترین پہلووں سے تربیت کرنا چاہتے ہیں ان کے لیے یہ کتاب مفید ہے۔
 اسلام کے اخلاقی، عملی، اجتماعی اور تربیتی خوبصورت  بیانات کا مجموعہ جو کہ آیات و احادیث اور ائمۂ معصومین علیہم السلام کے معجزات سے مرصع ہے اس میں پانچ سو داستانیں رقم کی گئی ہیں۔
اس کتاب میں آپ کو کچھ ایسی حکایات بھی دکھائی دیں گی جن کا حقیقی اور عینی وجود نہیں ہے، کیونکہ مؤلف کا مقصود صحیح ترین روایات کا جمع کرنا نہیں بلکہ قارئین کی تعلیم و عبرت ہے۔ بعض اوقات ایسی حکایات بھی دکھائی دیں گی جو صرف ایک موضوع سے مربوط نہیں ہوں گی بلکہ وہ کئی موضوعات سے مربوط ہوسکتی ہیں۔
قارئین کی دلچسپی برقرار رکھنے کے لیے متنوع قسم کی نادر حکایات بیان کی گئی ہیں۔
امید ہے قارئین اس کتاب کو پڑھنے کے بعد کچھ غور و خوض ضرور کریں گے اور پند و نصیحت حاصل کریں گے اور مکارم اخلاق سے وابستگی لی بھرپور کوشش کریں گے اور ان حکایات کے ذریعہ سے دوسروں کو بھی راہِ راست پر چلانے کی جد و جہد کریں گے۔

سو موضوع، پانچ سو داستان ج۱

حضرت علی علیہ سللام کے وہ خطبات ، ارشادات، احتجاجات اور کلمات قصار جو نہج البلاغہ میں نہیں ہیں اورعلمائے اعلام کے مصدقہ ہیں متعدد و مستند کتابوں سے جمع کیے گئے ہیں۔ یہ خطبات  حمد باری تعالی ،علوم معرفت الہیہ ، منقبت رحمۃ للعالمین ،منزلت محمدوآل محمد،اسرار ربانی اورعلائم ظہور وغیرہ کا ایک بحر بیکراں ہیں ۔جو نطق لسان اللہ سے معرض وجود میں آئے ہیں۔

Translated Fields

نہج الاسرار من کلام حیدر کرارؑ ج۱

اس کتاب میں انسان کی جنسی ضرورت کے حوالے سے اسلامی تعلیمات کی روشنی میں گفتگو کی گئی ہے۔

اسلام اور جنسیات

پیش نظر کتاب پچاس اخلاقی، سماجی اور گھریلو مسائل پر مشتمل مختلف موضوعات پر مرتب کی گئی ہے جو کہ مبلغین، مقررین اور مدرسین کے علاوہ تمام اہل مطالعہ افراد کے لیے مفید ثابت ہوگی جس میں مؤلف نے ہر موضوع پر پانچ آیات اور ان کی مختصر تفسیر، پانچ روایات اور ہر موضوع پر دو واقعات ذکر کیے ہیں۔اسے اپنے مطالعے کا حصہ ضرور قرار دیں۔

پچاس موضوعات پر سو واقعات

کتاب الشافی ترجمہ اصول کافی ج۴

پیش نظر کتاب اپنے موضوع کے اعتبار سے بہت عمدہ اور لائق مطالعہ کتاب ہےاور اپنے موضوع پر ایک منفرد اور مطالعہ کے قابل کتاب ہے ۔ مصنف نے اپنی اس کتاب میں تمام پہلوؤں سے مورد توجہ عنوان پر بھرپور روشنی ڈالنے کی کوشش کی ہےاب اس حوالے سے وہ کس حد تک کامیاب رہے ہیں یہ قاری کی ذاتی صواب دید پر منحصر ہے غرض اس کا مطالعہ فائدے سے خالی نہیں ہے لہٰذا اسے اپنے مطالعہ کا حصہ ضرور قرار دیں۔

کتابوں اور انسانوں کے درمیان عجیب نہ سمجھ میں آنے والا تعلق ہوتا ہے۔ ہر شخص ہر کتاب نہیں پڑھ سکتا۔ کئی انسانوں کی زندگی میں کوئی ایک کتاب گہرا تاثر چھوڑ جاتی ہے۔ کیا آپ کے ساتھ بھی ایسا ہوا؟ ہمیں اپنی پسندیدہ کتاب کے بارے میں بتائیں۔ اس کتاب کا مصنف کون ہے؟ اس نے اس کتاب میں کون سی بات لکھی ہے جس نے آپ کو متاثر کیا ہے؟ کیا آپ اس مصنف کی زندگی کے بارے میں کچھ جانتے ہیں؟ کیا آپ کو لگتا ہے کہ دوسرے لوگوں کو بھی اس کتاب کا مطالعہ کرنا چاہئے؟ کیوں؟ہمیں اپنی پسندیدہ اسلامی کتاب اور اس کے مصنف کے بارے میں لکھ کر بھیجیں۔آپ کی پسندیدہ اسلامی کتاب کسی بھی موضوع کے بارے میں ہوسکتی ہے۔

اس کتاب کی تفصیلات عنقریب اپڈیٹ کی جائیں گی۔

امامیہ دینیات درجہ اطفال

سوال عوام کے جواب امام کے

الرياض النضرة في مناقب العشرة، تألیف احمد بن عبدالله محب‌الدین طبری (متوفی، 694ق) کتاب کے مؤلف شافعی المذہب اور سنی عالم ہیں یہ کتاب بلاد اسلامیہ میں کئی بار چھپ چکی ہے اور نہایت مشہور اور مقبول کتاب ہے۔
پیش نظر کتاب اسی کتاب الرياض النضرة في مناقب العشرة کے باب چہارم کا اردو ترجمہ ہے جو کہ حضرت علی علیہ السلام کے حالات پر مشتمل ہے جس کے اردو ترجمے کا نام "علی ولی اللہ" رکھا گیا ہے۔
اس لاجواب کتاب میں آپ امیرالمؤمنین علی بن ابی طالب علیہما السلام کے بارے میں رسولﷺ کی احادیث پڑھ کر خود اندازہ لگائیں کہ کیا آنحضرتﷺ کے کسی صحابی میں ایسی خصوصیات موجود ہیں جو صرف حضرت علیؑ کی ذات میں بیک وقت موجود ہیں اگر ایسی خصوصیات کسی فرد میں موجود نہیں ہیں تو پھر ان کا علیؑ سے مقابلہ کیوں کیا جاتا ہے، برا ہو تعصب کا جو انسان کو صحیح و سقیم کی تمیز کرنے سے اندھا کردیتا ہے۔

الریاض النضرۃ فی مناقب العشرۃ

زیر نظر کتاب “بُحُورُ الغُمّہ” یعنی غموں کا سمندر واقعی یہ اسم بامسمّیٰ کتاب ہے، آیات و احادیث اور ایمان افروز واقعات کی روشنی میں فضائل اہل بیت علیہم السلام کو اس انداز و اسلوب کے ساتھ پیش کیا گیا ہے کہ ان کے مطالعے سے اذہان و قلوب کو جلاء ملتی ہے، خصوصاً مصائبِ آل محمدعلیہم السلام کو جس نئے انداز سے تحریر کیا گیا ہے وہ دوسری کتابوں میں موجود نہیں ہے۔
اس کتاب کو اردو زبان میں مصائب کے موضوع پر سب سے بڑی اور مستند کتاب کہا جائے تو بے جا نہ ہوگا، سرزمین لکھنؤ سے ڈیڑھ صدی قبل شائع ہونے والی یہ کتاب آج بھی ذاکرین و واعظین کی پسندیدہ ترین کتاب ہے، ہندوپاک میں چند علماء و ذاکرین کے پاس اس کی فوٹوکاپیاں اور پرانے نسخے موجود ہیں ورنہ یہ کتاب امتدادِ زمانہ کے ساتھ ساتھ تقریباً ناپید و نایاب ہوچکی ہے۔ اسے اپنے مطالعے کا حصہ ضرور قرار دیں۔

بحور الغمہ ج۲

محمد باقر عبد الکریم بہبہانی کی تصنیف کردہ «الدمعة الساكبة في والحوال النبی و العترة الطاهرة»، عربی میں لکھی گئی چودہ معصومین(ع) کی سوانح حیات اور تفصیلات  پر ایک کتاب ہے۔
مصنف نے کتاب کے آغاز میں کہا ہے کہ میں نے اس کا نام «الدمعة الساكبة و المصيبة الراتبة و المناقب الثاقبة و المثالب العائبة» رکھا ہے، لیکن موجودہ شائع شدہ کتاب میں یہ نام  تبدیل کردیا گیا ہے۔
یہ امر قابل ذکر ہے کہ واعظ تبریزی خیابانی نے«وقائع الأيام في تتمة محرم الحرام»،اس کتاب کے مصنف کی تعریف کی ہے اور«دار الإسلام في من فاز بسلام الإمام(ع)» میں شیخ محمود عراقی کا حوالہ دیتے ہوئے کہا ہے کہ ’’انہیں عربی عبارات میں کچھ خاص مہارت حاصل نہیں تھی کیونکہ انہیں عربی کی کچھ خاص سمجھ بوجھ نہ تھی پھر بھی، توفیق ربانی ان کے اس قدر شامل حال ہوئی کہ  انہوں نے چودہ معصومین(ع) کے حالات میں ایک عظیم عربی کتاب [الدمعة الساكبة] لکھ ڈالی، جو ایک لاکھ سے زیادہ ابیات پر مشتمل تھی اور یہ کتاب اہل نظر اور معتبر علماء کے درمیان مقبول و معتبر قرار پائی کچھ یوں یہ کتاب مشہور ہوئی کہ انکی زندگی میں ہی انکی کتاب سے علماء و افاضل کے لیے نسخہ برداری ہوئی۔
کتاب مصنف کے مقدمے سے شروع ہوتی ہے جبکہ کتاب کے مطالب و مندرجات توصیفی ہیں اور نقل قول پر مبنی ہیں، کتاب کے بعض مندرجات مقتل ابومخنف اور منتخب طریحی سے ماخوذ ہیں کہ جنکے معتبر ہونے میں نقد و نظر موجود ہے۔
مصنف کے دیگر ذرائع میں مندرجہ ذیل کتابیں شامل ہیں: «مقتل الحسين(ع)»، «بصائر الدرجات» شیخ ثنا بن محمد بن حسن بن صفار؛ «التنزيل و التحريف» احمد بن محمد بن صبار؛ «المحاسن و الآداب» احمد بن محمد بن خالد برقی؛ «قرب الإسناد» محمد بن عبدالله بن جعفر بن حسین بن جامع بن مالک قمی؛ «الرد علی فرق الشيعة ما خلا الإمامية» ابومحمدحسن بن موسی نوبختی؛ «الكافي» کلینی؛ «الغيبة» نعمانی؛ «إثبات الوصية» اور«مروج الذهب» مسعودی؛ «البدع المحدثة» علی بن احمد ابی‌قاسم کوفی؛ «هدایة في تاريخ النبي و الأئمة معجزاتهم(ع)» حسین بن حمدان حضینی جنبلائی اور...۔
مقدمے میں، کتاب میں استعمال ہوئے منابع اور ابواب کی فہرست کا تعارف پیش کرتے ہوئے، پیغمبر اکرم(ص) اور ائمہ(ع) کے لئے سوگ اور حزن و بکا کے ثواب کا تذکرہ کیا گیا ہے۔
 اردو ترجمے کی اس پہلی جلد میں پیغمبر اسلام صلی اللہ علیہ وآلہ وسلم، حضرت علیؑ، جناب فاطمہ سلام اللہ علیہا اور امام حسنؑ کا تذکرہ تفصیل کے ساتھ موجود ہے، گویا یہ ان تمام مطالب کا نچوڑ ہے جو آپ مختلف کتابوں میں تلاش کرتے ہیں اور بعض اوقات آپکو وہ نہیں ملتا لیکن اس کتاب کو پڑھنے کے بعد تاریخ و سیرت کا ایک مکمل دورہ ہوجائے گا۔

اَلدَّمْعَةُ السّاکِبَة فی أحْوالِ النَّبیّ و العِتْرَة الطّاهِرَة(اردو ترجمہ الدمعۃ الساکبہ) ج۱

زیر نظر کتاب حاجی سید مقبول احمد صاحب دہلوی کے قرآن کریم کی مختصر تفسیر اور ترجمہ کے ضمیمہ جات ہیں جن کو ایک جلد مین اکھٹا کیا گیا ہے۔

اصول الشریعہ فی عقائد الشیعہ

زیر نظر کتاب مجالس صدوق، جناب ابوجعفر محمد بن علی بن حسین بن بابویہ قمی علیہ الرحمہ کی شہرۂ آفاق کتاب ''امالی'' کا اردو ترجمہ ہے، یہ کتاب 97 مجالس کا مجموعہ ہے جن میں احادیث و واقعات اور روایات و پند و نصائح کا ایک بڑا اور نادر و نایاب ذخیرہ موجود ہے، جیسا کہ اس کتاب کے نام سے ظاہر ہے یہ جناب صدوقؒ کی ذاتی قلمی تصنیف نہیں ہے بلکہ ان کے اس فن خطابت کا حاصل ہے جس کا اظہار انھوں نے مختلف مقامات اور مختلف اوقات و مواقع پر کیا اور جسے بعد میں جمع کرکے کتابی شکل دے دی گئی۔
الأمالی عربی زبان میں شیخ صدوق (تقریبا 306-381 ھ) کی تالیف ہے جو چوتھی صدی ہجری میں شیعہ امامیہ کے متکلم، محدث، فقیہ اور حدیث شناس کے طور پر جانے جاتے ہیں۔ یہ کتاب حقیقت میں شیخ صدوق کے ان دروس پر مشتمل ہے جو انہوں نے ایران کے شہر مشہد کے سفر کے دوران منگل اور جمعہ کے دن اپنے شاگردوں کو دیئے اور انہوں نے ان اسے تحریر کیا۔ یہ دروس 18 رجب سنہ 367 ہجری سے لے کر 11 شعبان سنہ 368 ہجری میں دیئے گئے۔
تیسری صدی ہجری کے آواخر میں محافل ادبی میں فنون کے رائج ہونے کے بعد اسلامی دانشمندوں کے درمیان فن امالی نویسی متعارف ہوا۔ امالی املا کی جمع ہے۔ اسکی صورت کچھ اس طرح سے تھی کہ استاد یا دانشمند کسی محفل میں تقریر کرتا تو حاضرین اس کی تقریر کو لکھ لیتے تا کہ وہ ایک کتاب کی صورت میں جمع  ہو جائے۔ تالیف کی اس روش کو امالی کہتے تھے۔ شیعہ کی اہم ترین امالیاں درج ذیل ہیں:(1) امالی ناصر کبیر اطروش۔ (2) الامالی شیخ صدوق۔ (3) الامالی شیخ مفید۔ (4) الامالی سید مرتضی۔ (5) امالی طوسی۔
شیخ صدوق کی اس کتاب میں 97 مجلسیں ہیں جن کی تدوین میں 13 مہینے لگے۔ یہ مجلسیں (22، 23، 24 و 26) کے علاوہ ہر جمعہ اور منگل کے روز برقرار ہوتیں۔ ان کے شروع کی تاریخ 18 رجب 367 ھ تھی اور ان کے اختتام کی تاریخ 18 شعبان 368 ھ تھی۔ ان مجالس کا سلسلہ ایران کے شہر مشہد کے سفر کے دوران قائم ہوا۔ طوس کے راستے میں تدوین کتاب میں کچھ مدت کا فاصلہ آیا۔
29ویں مجلس ماہ محرم کی آٹھ تاریخ سے مطابق تھی اور یہ اس سال کے محرم کا دوسرا جمعہ تھا۔ لہذا اس مناسبت سے شیخ صدوق نے سید الشہداء کے مقتل کا بیان شروع کیا اور اسے 30ویں اور 31ویں مجلس میں مکمل کیا۔ 26ویں مجلس غدیر کے روز تھی لہذا اس میں اس دن کے فضائل بیان کئے گئے ہیں۔ اس سے واضح ہوتا ہے شیخ صدوق نقل احادیث میں زمان و مکان کی خصوصیات کی طرف متوجہ تھے۔
نیز ماہ رجب میں اس ماہ کے فضائل، ماہ مبارک رمضان میں اس کے فضائل، روزے کے ثواب کے متعلق احادیث بیان کی ہیں۔ جب نیشاپور پہنچے تو یہاں زیارت امام رضا علیہ السلام کی فضیلت کے متعلق حدیثیں بیان کیں۔
یہ کتاب نبوی(ص) اور اہل بیت(ع) کی مختلف موضوعات میں احادیث کا ایک مجموعہ ہے مثلا اسراء و معراج، ادعیہ اور موعظہ حسنہ، فضائل اور مناقب اہل بیت(ع) کی احادیث شامل ہیں نیز اس میں تاریخی و اخلاقی و عقائدی و ... موضوعات بھی شامل ہیں۔

<div id="pg3" class="page " style="text-align: justify;">
<div class="pageContent">
اس کتاب کا ایک بڑا حصہ احادیث پر مشتمل ہے جناب صدوق(رح) جہاں دلیل و مناظرہ کے میدان کے شہہ سوار ہیں وہیں حدیث بیان کرنے کےسلسلے میں بھی امتیازی حیثیت رکھتے ہیں اور بذات خود ایک سند کی حیثیت رکھتے ہیں جناب صدوق(رح) کو اگر راہنمائے فقہاء کہا جائے تو غلط نہ ہوگا۔ مذہب امامیہ کی چار بڑی اور بنیادی کتب احادیث میں سے ایک ( من لا یحضرہ الفقیہ) جناب صدوق(رح) ہی کی تالیف ہے جناب صدوق(رح) کی تصانیف کا درست شمار ممکن نہیں کیونکہ امتداد زمانہ نے جہاں دیگر علمی شہہ پاروں کو ضائع کردیا وہاں جناب صدوق(رح)  کی تصانیف بھی زمانے کی دست برد سے محفوظ نہیں رہ سکیں اور اب صرف چند دستیاب شدہ کتب کے سوا شیخ کی تصانیف کا تذکرہ کتابوں اور فہرستوں میں ہی ملتا ہے۔
ابن ندیم وراق اپنی کتاب ” الفہرست“ میں جناب صدوق(رح) کی تین سو تصانیف شمار کرنے کے بعد ۴۰ سے زائد کے نام بیان کیے ہیں۔ شیخ طوسی(رح) اپنی فہرست میں جناب صدوق(رح) کی تین سو تصانیف شمار کرنے کے بعد تقریبا ۴۰ کے نام بیان کرتے ہیں۔ علامہ حلی(رح) نےبھی جناب صدوق(رح) کی تین سو تصانیف شمار کی ہیں۔ شہید ثالث قاضی نور اللہ شوستری(رح) نے رجال نجاشی کے حوالے سے اپنی کتاب ”مجالس المومنین“ میں شیخ صدوق(ح) کی تصانیف کی تعداد تین سو کے قریب بیان کرتے ہیں اور ۲۰۳ کتب و رسائل کے نام درج کرتے ہیں۔

</div>
</div>
<div id="pg4" class="page " style="text-align: justify;">
<div class="pageContent">
اسکے علاوہ جناب صدوق(رح) کے حصہ میں ایک ایسی سعادت آئی ہے جو شاذ ہی کسی کو نصیب ہوئی ہے اور وہ یہ ہے کہ جناب صدوق(رح) کے والد گرامی نے امام زمانہ علیہ السلام کے نائب خاص جناب ابوالقاسم حسن ابن روح سے ملاقات کے دوران چند مسائل دریافت کیے اور پھر قم واپس جاکر علی بن جعفر بن اسود(رح) کی معرفت جناب ابوالقاسم روح(رح) کو ایک خط تحریر کیا جس میں انہوں نے جناب ابن روح (رح) سے گذارش کی کہ میری درخواست جناب امام زمانہ علیہ السلام تک پہنچائیں کہ آنحضرت(ع) میرے حق میں اولاد نرینہ کے لیے دعا فرمائیں۔ اس خط کے جواب میں امام زمانہ علیہ السلام نے تحریر فرمایا کہ میں نے تمہارے حق میں دعا کردی ہے عنقریب تمہارے ہاں دو فرزند متولد ہوںگے جوکہ بہترین ہوں گے لہذا اسی سال جناب صدوق(رح) کی ولادت ہوئی۔
جناب صدوق(رح) کا سن ولادت جناب حسین بن روح(رح) کی نیابت کے پہلے سال کے بعد کا ہے چنانچہ اشارہ یہ ملتا ہے کہ شیخ کی ولادت ۳۰۶ھ کی ہے کہ امام زمانہ علیہ السلام کی غیبت صغری میں شیخ نے تقریبا ۲۰ سال گذارے اس کے بعد کا زمانہ غیبت کبری کا ہے جناب صدوق(رح) کا سن وفات ۳۸۱ھ بتایا جاتا ہے۔ تنگی قرطاس راقم الحروف کو اجازت نہیں دیتی کہ اس سے زیادہ آپ کے حالات زندگی بیان کیے جائیں۔ کتاب ہذا کا مطالعہ کرنے والے پر عیاں ہوگا کہ اس کتاب میں شامل چند ایک روایات و احادیث، تعلیمات و عقائد مذہب اہل بیت(ع) سے مطابقت نہیں رکھتیں۔ میرے نزدیک ایسی ضعیف روایات کا کسی کتاب میں شامل ہوجانا اس لیے اہمیت کا حامل نہیں ہے کہ شیعیت کے ابتدائی ادوار نہایت کھٹن مراحل سے گذرے ہیں جب حالات نامساعد، راستہ دشوار، سہولیات ناپیدا اور اردگرد اغیار کی ایسی بھیڑ لگی ہو جس کاتقاضہ تقیہ ہوتو ایسی چند ایک مجہول روایات کی دراندازی خاص اہمیت کی حامل نہیں ہوا کرتی۔ اسلام کی ابتدائی تاریخ اور شیعیت کی نمو پر نظر رکھنے والے اہل قلم گزشتہ چودہ صدیوں سے قائم ناصبی اثرات کی شدت سے آگاہ ہیں۔ اس کے علاوہ عمداً اور سہواً غلطی کے احتمال سے صرف ذوات معصومین(ع) ہی مبرا ہوسکتی ہیں تمام انسان کا معیار اس سے مطابقت نہیں رکھتا دوم یہ کہ راقم الحروف کو ان مجہول روایات کی در اندازی میں بھی ایک مثبت پہلو نظر آتا ہے اور وہ یہ کہ ہماری کتب تحریف سے پاک ہیں کیونکہ اگر امامیہ تحریف کے قائل ہوتے تو سب سے پہلے ایسی ہی روایات اپنی کتب سے خارج کرتے۔

</div>
</div>

Most Popular